Një i dyshuar kosovar është arrestuar nën dyshimin për vrasje në tentativë, të martën në Pejë. Ndërkaq, një tjetër gjendet në arrati.
Sipas raportit 24-orësh të Policisë së Kosovës, katër persona kanë pësuar lëndime që dyshohet të jenë nga një armë zjarri. Të njëjtit janë jashtë rrezikut për jetë.
“Rr. Ali Pashë Gucia, Pejë 13.06.2023 – 23:30. Dy meshkuj kosovarë kanë pësuar lëndime trupore, dyshohet nga arma e zjarrit, gjatë një incidenti që ka ndodhur midis dy grupeve. Të lënduarit janë dërguar për trajtim mjekësor dhe sipas mjekëve janë jashtë rrezikut për jetë. Po ashtu gjatë incidentit edhe dy meshkuj kosovarë kanë pësuar lëndime trupore të cilët pas tretmanit mjekësor janë liruar. Një i dyshuar kosovar është arrestuar dhe është duke u intervistuar, ndërsa një i dyshuar tjetër gjendet në arrati”, thuhet në raport.
Rasti vazhdon të hetohet.