Në orët e para të mëngjesit të kësaj të shtune një person ka mbetur i plagosur me armë zjarri.
Rasti ka ndodhur në rrugën “Lidhja e Pejës” në Prishtinë teksa i plagosuri është dërguar për trajtim mjekësor, njofton Dukagjini.
Rastin për Dukagjinin e ka konfirmuar edhe zëdhënësja e Policisë për rajonin e Prishtinës, Flora Ahmeti.
“Sot rreth orës 04:00 kemi marrë informatën për një person të plagosur me armë zjarri,në një lokal në rrugën “Lidhja e Pejës” në Prishtinë. Personi i plagosur A.B (mashkull) është dërguar për trajtim mjekësor, ndërkohë policia më koordinim me prokurorinë, ka nisur një hetim lidhur me rrethanat e këtij rasti i cili është cilësuar si vrasje në tentativë”, tha Ahmeti.