Vritet në Francë ish-ushtari i UÇK-së në banesën e tij, pas të shtënave në ndërtesën që banonte

Një 55-vjeçar nga Kosova, i quajtur Veli Sadiku, ka humbur jetën në Dijon të Francës si rezultat i të shtënave me armë zjarri midis dy bandave kriminale. Veli Sadiku ishte edhe ish-ushtar i Ushtrisë Çlirimtare të Kosovës, ndërsa lajmin e hidhur për vdekjen e tij e kanë bërë të ditur familjarët

Një 55-vjeçar nga Kosova ka mbetur i vdekur si pasojë e të shtënave me armë zjarri në mes të dy bandave kriminale në Dijon të Francës.

Viktima gjatë luftës ishte ushtar i Ushtrië Çlirimtare të Kosovës. Lajmin e hidhur e kanë bërë të ditur familjarët e ish-ushtarit.

Personi në fjalë është Veli Sadiku, nga fshati Rashan i Mitrovicës.

Rasti ka ndodhur në mesnatën e së shtunës dhe për ngjarjen tragjike ka shkruar edhe gazeta franceze “Le Figaro”.

Prokurori i qytetit të Dijon, bëri të ditur duke thënë se dy persona qëlluan derisa ishin në lëvizje me veturë dhe ata janë ende në arrati.

Raportohet se burri nga Kosova u godit nga plumbi brenda banesës së tij në katin e parë, në vendin e quajtur “Rrethi i Stalingradit”.

Për rastin ka folur edhe vajza e viktimës, e cila deshti të mbetej anonime.

“Unë dhe nëna ime u zgjuam nga të shtënat e armëve, të cilat u ndalën fillimisht për disa momente dhe pastaj filluan sërish. Kur unë dhe nëna ime shkuam të shohim babain ku flinte në shtratin e tij, ai kishte vdekur”, tha 23-vjeçarja për gazetën franceze, Le Figaro.

Ndryshe, familja Sadiku kishte 14 vjet që jetonte në Francë.

Shija e redaktorit

Presidenti kroat pritet ta vizitojë Kosovën në fillim të dhjetorit

Presidenti i Kroacisë, Zoran Milanoviq, pritet ta vizitojë Kosovën në fillim të muajit dhjetor të këtij viti. Kështu ka mësuar Dukagjini nga burimet e veta...

Nufi: Shqipëria do ta mbrojë Kosovën, asnjë qeveri në Tiranë...

Ministri i Mbrojtjes i Shqipërisë, Ermal Nufi, ka deklaruar se angazhimi i Shqipërisë për mbrojtjen e Kosovës është i pakushtëzuar, duke theksuar se asnjë...

Përkujtohet ditëlindja e heroit të Kosovës, Zahir Pajaziti

Sot shënohet 64-vjetori i lindjes së komandantit të Ushtrisë Çlirimtare të Kosovës dhe heroit të Kosovës, Zahir Pajaziti. Ai u lind më 1 nëntor 1962...

Të fundit nga rubrika