Vritet një 22 vjeçar në Lipjan, dy të tjerë mbesin të plagosur

Një 22-vjeçar nga Lipjani ka mbetur i vdekur pasi që është goditur me armë zjarri në një nga lokalet e këtij qyteti. Pos tij, edhe dy persona të tjerë janë plagosur. Ndërsa, personat që dyshohet se kanë kryer krimin gjenden në arrati

Ilustrim

Një person ka vdekur dhe dy të tjerë janë plagosur mbrëmjen e së premtes, në Lipjan.

Personat e dyshuar që kanë dyshohet se kanë kryer krimin gjenden në arrati. Sipas dëshmitarëve këtë situatë e kishte sjellë një përleshje paraprake që kishte ndodhur në lokal.

Po e bartnin pasi kishte marrë një plumb në këmbë.

E gjithë kjo tollovi njerëzish e policësh u krijua për shkak se para mesnatës në Lipjan u dëgjuan të shtëna armësh.

Nga këto të shtëna mbeti i vdekur një 22-vjeçar dhe dy të tjerë u plagosën. Të dyshuar për këtë vepër penale janë dy persona, të cilët i kanë ikur Policisë.

“Njësitë relevante kanë dalë në vendin e ngjarjes ku si prova materiale janë sekuestruar, tri gëzhoja, një predhë dhe një fragment metali”, thuhet në njoftimin e Policisë së Kosovës

Ngjarja ka shokuar qytetarët e tjerë që qëndronin në këtë lokal.

Për shkak të ndjeshmërisë së rastit, dëshmitarët nuk pranuan të flisnin para kamerës, por prapa saj, ata i thanë RTV Dukagjinit se vrasjes dhe plagosjes së dyfishtë u parapriu një përleshje fizike që kishte ndodhur brenda lokalit.

Rastin, Policia e ka cilësuar si “Vrasje e Rëndë”.

Hetues të këtij institucioni kanë nisur punën me Prokurorinë për arrestimin e të dyshuarve.

Dy të plagosurit fillimisht janë dërguar në Qendrën Klinike Universitare në Prishtinë.

Sipas drejtorit të Emergjencës, Naser Syla, njëri nga ta është dërguar në Klinikën Abdominale për trajtim, ndërsa tjetri është liruar.

Familja e të vrarit tashmë ka hapur dyert për ngushëllime, por të afërm të viktimës nuk kanë dashur të komentojnë rastin.

22-vjeçari është varrosur pasditen e së shtunës.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika