Kryeministri i Serbisë, Millosh Vuçeviq, ka thënë se “Beogradi është i gatshëm për dialog me Prishtinën”, dhe se çdo gjë tjetër çon në një “qorrsokak”.

Vuçeviq ka theksuar se nuk duhet të harrojmë se KFOR-i është i pranishëm në Kosovë, si dhe se jemi të rrethuar nga vendet anëtare të NATO-s, duke shtuar se prioritet duhet të jetë fuqizimi ekonomik i komunitetit serb në Kosovë dhe ofrimi i rezistencës civile.

“Serbët duhet të jenë të mençur, ne duhet të jemi të durueshëm dhe taktikë dhe të mos i zbulojmë të gjitha letrat”, ka thënë ai, transmeton Tanjug.

Në lidhje me ndalimin e importit të mallrave serbe në Kosovë, Vuçeviq theksuar se qëllimi i tyre është mbështetja për serbët.

Ai gjithashtu ka theksuar se është e rëndësishme të ruhen serbët në Kosovë dhe të rritet presioni ndaj komunitetit ndërkombëtar për të arritur një zgjidhje.