Vuçeviq pas takimit me Lajçak: Kurti s’mendon ta formojë Asociacionin

Pas takimit të mbrëmshëm në Athinë me përfaqësuesin special të BE-së për dialogun Kosovë-Serbi, Mirosllav Lajçak, kryeministri serb Millosh Vuçeviq ka theksuar se kryeministri i Kosovës, Albin Kurti, nuk mendon që ta formojë Asociacionin e komunave me shumicë serbe

Kryeministri serb, Millosh Vuçeviq dhe përfaqësuesi special i BE-së për dialogun Kosovë - Serbi, Mirosllav Lajçak.

Kryeministri serb, Millosh Vuçeviq, pas takimit të mbrëmshëm me përfaqësuesin special të BE-së për dialogun Kosovë – Serbi, Mirosllav Lajçak, ka theksuar se përshtypja e tij është se kryeministri i Kosovës, Albin Kurti, nuk do ta formojë Asociacionin e komunave me shumicë serbe.

Në një deklaratë nga Athina, Vuçeviq ka thënë se deri në fund të këtij viti, nuk parasheh planin e aktiviteteve të Kurtit për formimin e Asociacionit.

“Kjo është përshtypja ime, nuk mund të them se është mesazh zyrtar i Mirosllav Lajçakut, por kam krijuar përshtypjen se Kurti nuk mendon ta formojë Asociacionin. Deri në fund të këtij viti askush nuk e sheh as planin e aktiviteteve të tij në formimin e Asociacionit. Kështu që nuk hyj në gjëra të përgjithshme, cila do të ishte përmbajtja e atij Asociacioni”, ka deklaruar ai nga Athina, raportojnë mediet serbe.

Ndërsa, përfaqësuesi i BE-së, Miroslav Lajçak, gjithashtu ka konfirmuar takimin me kryeministrin serb, duke e informuar atë për zhvillimet aktuale në dialogun Kosovë-Serbi dhe për marrëdhëniet e BE-së me Serbinë.

“Në Athinë, u takova me kryeministrin e ri Millosh Vuçeviq. E informova për zhvillimet aktuale në dialog dhe fola rreth marrëdhënieve BE-Serbi”, ka shkruar Lajçak në platformën X.

Shija e redaktorit

Spanja kampione e Evropës për herë të katërt

Ka mbaruar super ndeshja mes Spanjës dhe Anglisë në kuadër të finales së Kampionatit Evropian 2024. Pas një loje fantastike, Spanja ka përmbyllur ndeshjen me...

Spanja në finale, mposht Francën

Kombëtarja e Spanjës ka arritur kualifikimin në finale të Euro 2024, pasi mposhti me rezultat 2:1 kombëtaren e Francës në gjysmëfinale. Në pjesën e dytë...

Ballkani triumfon në ndeshjen e parë kualifikuese në Ligën e...

Ballkani ka fituar 2-1 ndaj Santa Coloman në 1/8 e fazës kualifikuese në Ligën e Kampionëve. Ndeshja nisi me një ritëm të qetë, por që...

Të fundit nga rubrika