Vuçiq: Do t’i kërkojmë KFOR-it ta lejojë hyrjen e ushtrisë serbe në Kosovë në përputhje me Rezolutën 1244

Presidenti Serb, Aleksandar Vuçiq në një konferencë për media ka thënë se do të bëjë një shkresë për KFOR-in, ku do të kërkoj kthimin në Kosovë të 1 mijë pjesëtarëve të ushtrisë dhe policisë së Serbisë sipas Rezolutës 1244

Presidenti i Serbisë, Aleksandar Vuçiq, ka thënë se kanë marrë vendim që t’i kërkojnë KFOR-it që të lejojë kthimin e ushtrisë serbe në Kosovë në përputhje me Rezolutën 1244.

“Është rënë dakord për një tekst që do t’i dërgohet komandantit të KFOR-it për të siguruar dislokimin e pjesëtarëve të ushtrisë dhe policisë serbe në Kosovë që parashihet në Rezolutën 1244 të Këshillit të Sigurimit të OKB-së”, ka deklaruar Vuçiq.

Me tej, Vuçiq ka thënë se për ish-policin e Kosovës, Dejan Pantiq, nuk do të dorëzohen por, do të luftojnë.

“Nuk ka dorëzim dhe nuk do të ketë dorëzim. Këtë le ta dinë të gjithë ata që vijnë tek unë në ditët në vijim. Unë nuk shqetësohem për çmimin që do të paguaj personalisht. Mesazhi im mbetet, nuk ka dorëzim dhe po i them Suzana Pantiqit dhe fëmijëve të saj se do të luftojmë për burrin dhe babanë e tyre”, ka kërcënuar Vuçiq.

“Sot është arrestuar Dejan Pantiq. Ai deri vonë ka qenë i veshur me uniformën e policisë së Kosovës. Ai është akuzuar nga i Ministër i Punëve të Brendshëm dhe disa të tjerë për terrorizëm”.

“Ishte dita kur kishim një Samit në Tiranë dhe kur ata u përpoqën të bënin diçka që nuk kishin të drejtë ta bënin. Pantiq bëri një krim të vërtetë, vetëm se ata nuk e dinin. Ai jeton në atë ndërtesë dhe po merrte bukë në shtëpinë e tij. Shërbimet tona e kanë hetuar seriozisht të gjithë rastin. Asnjëherë nuk mund të prisni të nesërmen me siguri sepse nuk e dini se çfarë do të ndodhë me ta, është në mendjen e tij”, ka shpjeguar Vuçiq rastin Pantiq-it.

Ministri i Brendshëm, Xhelal Sveçla ka thënë se ish-pjesëtari i MUP-it i arrestuar këtë të shtunë, Dejan Pantiq, sipas dëshmive të Policisë së Kosovës ka organizuar sulmin terrorist në zyrat e KKZ-së në Veri të Mitrovicës.

Përmes një postimi në Facebook, Sveçla ka thënë se Pantiq akuzohet për kryerjen e veprave terroriste dhe sulm kundër rendit kushtetues.

“Policia e Kosovës sot ka ndaluar në Pikën Kufitare në Jarinje ish zyrtarin policor, ish pjesëtarin e MUP-it i cili ishte integruar më parë në Policinë e Kosovës, Dejan Pantiç. I ndaluari sipas dëshmive të Policisë së Kosovës ka organizuar sulmin terrorist në zyret e KKZ-së në veri të vendit me ç’rast ishin sulmuar zyrtarët e KQZ-së dhe zyrtarët policor. Pantiç akuzohet për kryerjen e veprave terroriste dhe sulm kundër rendit kushtetues”, ka shkruar Sveçla.

https://www.dukagjini.com/svecla-per-pantiq-sipas-deshmive-ka-organizuar-sulmin-terrorist-ne-zyrat-e-kkz-se-ne-veri-te-vendit/

Krahas kësaj, ai ka thënë se bllokimi i rrugëve është organizuar me qëllim të parandalimit të vendosjes së drejtësisë.

“Grupe ekstremiste me qëllim të parandalimit të vendosjes së drejtësisë janë organizuar në bllokim të disa rrugëve dhe ngritje të barrikadave në Leposaviç, Zveçan dhe Zubin Potok. Ftoj të gjithë qytetarët për ruajtje të qetësisë e në veçanti qytetarët tanë të etnisë serbe që të mos bëhen pjesë e organizimeve të grupeve kriminale në Veri”, ka shkruar Sveçla.

 

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika