Presidenti i Serbisë, Aleksandër Vuçiq, u ka thënë bashkëpartiakëve të tij se është gati të japë dorëheqje.
Ai e informoi kryesinë e partisë së tij për presionet e Perëndimit ndaj Serbisë në lidhje me Kosovën dhe menjëherë pas kësaj u largua nga selia e partisë.
Vuçiq tha se do të japë dorëheqje, nëse dikush tjetër mendon se mund të bëjë më mirë sa i përket çështjes së Kosovës.
Ai tha, “nëse populli i refuzon negociatat dhe nëse dikush mendon se duhet ta shkatërrojmë vendin ekonomikisht, do t’ua lërë udhëheqjen atyre që janë më inteligjentë” .