Vuçiq i krahason me mushkonja Kurtin e Gjukanoviqin

Shqetësimeve të kryeministrit të Kosovës, Albin Kurti, dhe presidentit të Malit të Zi, Millo Gjukanoviç, që Serbia ka blerë mbrojtje kundërajrore nga Kina, iu është përgjigjur presidenti i Serbisë, Aleksandër Vuçiq.

Ai përmes një video-mesazhi, e ka krahasuar Kurtin dhe Gjukanoviqin me insekte, duke thënë se, sa për Kosovën dhe Malin e Zi, do të kishin blerë sprej kundër mushkonjave dhe jo raketa.

“Do të ishte më mirë të blinim sprej ‘autan’ për t’u mbrojtur nga tufa mizash apo mushkonjash, sesa nga çdo forcë ajrore që ata zotërojnë”.

Ilustrim

Ai ka thënë Serbia nuk ka blerë sistem mbrojtës kundërajror për t’u ruajtur nga Kosova dhe Mali i Zi, sepse sipas tij, këto dy vende nuk kanë forcë ajrore për të sulmuar Serbinë.

“Më tepër do të pranoja rolin e një ujku të vetmuar sesa rolin e hienave të paturpshme dhe të pamoralshme. Edhe më keq se hienat, të cilave duhet t’ua pranosh sa i përket gjakmarrjes, më keq është me miza që presin nga hienat t’u sjellin ndonjë pre, dhe të tillë janë Albin Kurti e Millo Gjukanoviq”, është shprehur presidenti serb.

Ai u ka bërë thirrje kryeministrit Kurti dhe presidentit Gjukanoviq, që ta lënë Serbinë të qetë.

Ilustrim

“Kërkesa ime është që ta lini Serbinë të qetë, të mos gënjeni dhe mashtroni opinionin. Serbia do ta gjejë rrugën siç duan qytetarët e saj. Jemi krenarë për faktin se duam të mbrojmë vendin tonë dhe jo që të na mbrojë NATO. Ne jemi të ndryshëm në këtë, jemi krenarë dhe nuk na vjen turp”, shtoi Vuçiq.

Po ashtu, ai ka potencuar se Kurti dhe Gjukanoviç “po shpërndajnë të pavërteta”, sepse “duan ta paraqesin Serbinë si agresore, dhe veten si viktima”.

“Ata përdorën mundësinë që të përdonin blerjen tonë ligjore të mbrojtjes ajrore kineze, që ështlë [e natyrës] mbrojtëse, për t’i thënë të gjithë botës se ne jemi aleatë të Rusisë dhe Kinës që kërcënojmë paqen në rajon, anipse jemi të rrethuar nga territore të NATO-s. Si mund t’i rrezikojmë ne ato me armë mbrojtëse?”, ka thënë ai.

Ndryshe, në natën mes tetë dhe nëntë prillit, avionët transportues të forcave ajrore kineze fluturuan mbi Serbi.

Avion ushtarak kinez

Zëdhënësi i Ministrisë së Jashtme të Kinës, Zhao Lijian, kishte deklaruar në një konferencë për media se Kina “ka dërguar së voni furnizime të rregullta ushtarake” në Serbi.

Sipas tij, dërgesa kishte qëllim “zhvillimin e bashkëpunimit dypalësh ndërmjet Kinës dhe Serbisë”.

Kreu i ekzekutivit kishte thënë se armatosja e tyre s’është e parrezikshme për rajonin dhe Kosovën, por qytetarët janë të sigurt.

“Jemi të brengosur, jemi të kujdesshëm, mirëpo nuk frikësohemi. E dimë që i kanë 44 baza ushtarake rrotull kufirit me Kosovën, që është kufiri më i gjatë, dhe rrotull i kanë 42 baza ushtarake ofensive, por pavarësisht kësaj, ndonëse ne nuk jemi në NATO, NATO është tek ne”.

Kryeministri i Kosovës, Albin Kurti

Lidhur me këtë, shqetësime kishte shprehur edhe presidenca e Kosovës dhe partitë opozitare.

Blerim Vela- shef i stafit të kabinetit të presidentes Vjosa Osmani, lidhur me këtë zhvillim kishte kërkuar që anëtarësimi i Serbisë në Evropë të ndalet.

Në anën tjetër, ish-ministri i jashtëm i Kosovës Enver Hoxhaj, kishte thënë se dërgesa e armëve nga Kina në Serbi, përbën kërcënim serioz veçanërisht për Kosovën.

Përmes një statusi në rrjetin social Twitter Hoxhaj, theksoi se bota ndodhet në një epokë kur shtetet ndahen në demokraci kundër autokracive.

Shija e redaktorit

KB Prishtina bëhet pjesë e garës më të re të...

Kryetari i Klubit të Basketbollit Prishtina, Blerand Stavileci ka bërë të ditur se klubi i tij ka marrë ftesën për pjesëmarrje në garën më...

DokuFesti me turistët e huaj, infuzion për ekonominë e Prizrenit

Dhjetëra e mijëra vizitorë vendorë e ndërkombëtarë kanë shkelur rrugëve të qytetit të Prizrenit gjatë javës së fundit. Shkaku i këtij fluksi turistësh në kryeqytetin historik...

“You have no idea”, paradoksi i jetës së përditshme

Si të shprehim diçka që s’mund të thuhet? Si ta artikulojmë të paartikulueshmen? Si ta mendojmë të pamendueshmen? "You have no idea" (Ju s'e...

Më të lexuarat

Video ekskluzive nga incidenti në Pejë

Një zënkë verbale në mes të pronarëve të dy dyqaneve në qytetin e Pejës, ka dërguar deri te përdorimi i armës së zjarrit. Sipas burimeve...

Babai i Marigona Osmanit: Në qoftë se Marigona do të...

Në Shëngjin kishin qëndruar rreth 3-4 orë, në një bisedë me Dardanin, babait të Marigona Osmanit i ishte dukur si njeri i qetë. Për...

Babai i Marigona Osmanit: Nëna e Krivaqës më thoshte kam...

Muhabi Osmani - babai i të ndjerës, Marigona Osmani, e ka përshkruar këtë të fundit si një vajzë të qetë, të urtë e të...

Të fundit nga rubrika