Vuçiq: Pas ndërlidhjes me Ukrainën, çështja e Kosovës edhe më e rëndë për t’u zgjidhur

Presidenti i Serbisë, Aleksander Vuçiq, ka thënë se pas ndërlidhjes me Ukrainën, çështja e Kosovës edhe më e rëndë për t’u zgjidhur

Presidenti Aleksandar Vuçiq, pasi bëri betimin në mandatin e dytë si president i Serbisë, 31 maj 2022.

Ndonëse bëri të ditur se qeveria e re e Serbisë do të formohet deri në fund të korrikut, presidenti serb, Aleksandër Vuçiq, gjatë fjalimit të tij në kuvend, nuk la pa e përmendur edhe Kosovën.

Pasi bëri betimin e tij si president i rizgjedhur, ai ka thënë se çështja e Kosovës është e lidhur me krizën në Ukrainë.

“E ndërlidhur me krizën në Ukrainë, çështja e Kosovës do të jetë edhe më e rëndë për ne që të zgjidhet”, ka thënë Vuçiq.

Presidenti serb, Aleksandër Vuçiq, gjatë fjalimit të tij në kuvend

Para se të bënte betimin, Vuçiq u është drejtuar mbështetësve të tij.

“Do të ruaj paqen, stabilitetin, vendin tonë dhe Kosovën”, u ka thënë Vuçiq përkrahësve të tij para se të bënte betimin.

Ai bëri betimin për mandatin e dytë pesëvjeçar në një seancë solemne të kuvendit të Serbisë, para deputetëve, anëtarëve të qeverisë, gjyqësorit, ushtrisë, policisë, bashkësive fetare dhe 75 përfaqësuesve të trupit diplomatik.

Qytetarët e mbledhur jashtë ndërtesës së Parlamentit në Beograd duke ndjekur në një ekran ceremoninë e betimit të Aleksandar Vuçiqit në mandatin e dytë presidencial.

Ndërkaq, një numër i madh i qytetarëve serbë nga komunat veriore të Kosovës, të martën e 31 majit janë nisur drejt Beogradit për t’i dhënë mbështetje presidentit të Serbisë, Aleksandër Vuçiq.

Siç shkruan e përditshmja serbe “B92”,  me pankarta në duar, serbët e Kosovës janë nisur drejt Serbisë në orët e hershme të së martës.

“President, e gjithë Kosova janë më ty”, “President faleminderit që po e mbron Kosovën”, “Derisa të jetë president Vuçiq, do të ketë serbë në Kosovë”, ishin disa nga pankartat e tyre.

Ndryshe, më 3 prill, në Serbi u mbajtën zgjedhje të rregullta presidenciale dhe të parakohshme parlamentare, si dhe zgjedhje për disa qytete.

Vuçiq fitoi zgjedhjet presidenciale në raundin e parë.

Sipas rezultateve preliminare të Komisionit Zgjedhor në Serbi, Vuçiç, kishte fituar zgjedhjet presidenciale të tre prillit duke marrë 58.9 për qind të votave.

I dyti, sipas KQZ-së serbe, u radhit kundërkandidati i Vuçiç-it, Zdravko Ponos, me 18.32 për qind të votave.

Partia e Aleksandër Vuçiq, ka fituar bindshëm edhe zgjedhjet parlamentare, duke marrë 42.97 për qind të votave.

Në mbështetje të Vuçiqit, serbët e Kosovës nisen drejt Serbisë

Shija e redaktorit

Rama takohet me udhëheqësit e Katarit, i fton ata për...

Kryetari i Prishtinës, Përparim Rama ka njoftuar se së bashku me Presidenten e vendit, Vjosa Osmani është duke qëndruar në Katar për një vizitë...

Osmani uron Suedinë pasi iu hap rruga për anëtarësim në...

Presidentja e Kosovës, Vjosa Osmani, ka uruar Suedinë pasi asaj iu hap rruga për anëtarësim në NATO, meqë Hungaria miratoi të hënën kandidaturën e...

Osmani takohet me emirin e Katarit, flasin për trajtimin e...

Presidentja e Kosovës, Vjosa Osmani, është pritur në takim nga emiri i Katarit, Sheikh Tamim Bin Hamad Al Thani, me të cilin ka biseduar...

Të fundit nga rubrika