Vuçiq urohet nga Putin për zgjedhjet në Serbi

Presidenti i Rusisë, Vladimir Putin, të hënën e katër prillit e ka uruar presidentin e Serbisë, Aleksandër Vuçiqi, për fitoren në zgjedhjet presidenciale e parlamentare të mbajtura të dielën e tre prillit.

Krahas shteteve perëndimore, që e kanë dënuar sulmin e Rusisë mbi Ukrainën, dhe kanë vënë sanksione kundër saj, Serbia ka refuzuar t’iu bashkohet atyre.

Putin në urimin e tij drejtuar Vuçiqit, ka thënë se pret që të vazhdojë bashkëpunimi Midis Rusisë dhe Serbisë.

“Pres që puna juaj në krye të shtetit do të vazhdojë të kontribuojë në forcimin e partneritetit strategjik që ekziston midis vendeve tona. Kjo, padyshim, korrespondon me interesat e popujve vëllazërorë të Rusisë dhe Serbisë”, thuhet në mesazhin e urimit të Putinit, shkruan B92.

Në anën tjetër edhe ish-emisari i Shteteve të Bashkuara të Amerikës për dialogun Kosovë-Serbi, Richard Grenell, ia ka uruar fitoren në zgjedhje, presidentit serb, Aleksandër Vuçiq.

Ai, me anë të një postimi në Twitter, ka shkruar se, Serbia dhe SHBA-të kanë një miqësi të fortë dhe se i pret punë e përbashkët për të bërë.

“Urime Aleksandër Vuçiqit për fitoren në zgjedhjet në Serbi. Ne kemi një miqësi të fuqishme dhe shumë punë për të bërë së bashku”, ka shkruar Grenell.

Ndryshe, Vuçiq, në një konferencë për media të dielën e tre prillit kishte thënë se ka fituar 59.9 për qind të votave në zgjedhjet presidenciale.

Po ashtu, duke iu referuar të dhënave të partisë së tij, Vuçiq kishte deklaruar se, kundërkandidati i tij kryesor, Zdravko Ponos, i cili siç ka deklaruar Vuçiq kishte fituar vetëm 17.7 për qind të votave.

“Kam arritur të bëj diçka që askush në Serbi nuk ia ka dalë kurrë. Unë jam i vetmi që fitova dy herë në raundin e parë”, ka thënë Vuçiç, raportonte “Nova.rs”.

Përveç se u shpreh i bindur në fitoren e zgjedhjeve presidenciale dhe atyre parlamentare, Vuçiq ka thënë se beson që në Beograd partia e tij qëndron e para.

“Mendoj se ka shumë opsione në qytet që ofrohen, por kjo nuk është diçka që do të dihet brenda një dite. Dhe SNS, sigurisht, që do të jetë më e madhja dhe pjesë e qeverisjes së qytetit, kështu funksionojnë numrat. mua, por le të presim deri në fund”, ishte shprehur ai.

Ndryshe, sipas rezultateve preliminare të publikuara nga Komisioni Republikan i Zgjedhjeve në Serbi, Vuçiq po udhëheq në zgjedhjet presidenciale serbe me rreth 70 për qind të votave, kundrejt kundërkandidatëve të tij, të cilët qëndrojnë nën 10 për qind.

Shija e redaktorit

INTERVISTË me Marin Memën: Kemi nevojë të duam më shumë...

Cilki i dokumentarëve, 'Gjurmë Shqiptare' me autorin Marin Mema, në Top Channel Albania përfshin një audiencë të të gjitha moshave. Në 'Gjurmë Shqiptare' trajtohen tema...

Këngët për nder të gjeniut Andy Warhol

Data e 6-gushtit shënon lindjen e një pop artisti si Andrew Warhol, arti i tij i  mrekullueshëm dhe idetë revolucionare të Warhol ishin padyshim...

“Film n’park”, tradita që i rikthehet Prishtinës

Në zemrën e gjelbërt të kryeqytetit, në mesin e dritave, miqve dhe muzikës, është vendi ku “Film n’park” shënon një rikthim pas kufizimeve nga...

Më të lexuarat

“Për shkak të Qeverisë Kurti 1, djali im nuk do...

Ish-ministrja e Kulturës Rinisë dhe Sportit, Vlora Dumoshi, në emisionin ‘Personale’ me Krenare Vokshi-Shala, ka treguar se si djali i saj, Rroni, i cili...

Një person largohet nga një restorant në Pejë pa paguar...

Një person mashkull shihet duke ngrënë mengjes, dhe menjëherë pas përfundimit ai shihet duke u larguar pa komunikuar me ndonjë kamerier nga restoranti. Pamjet e...

Sulmohet seksualisht një fëmijë gjashtëvjeçar në Prishtinë – qytetarët përballen...

Vetëm të mërkurën e 27 korrikut të vitit 2022, janë raportuar tri raste të sulmeve seksuale ndaj të miturve. Prishtina, Obiliqi dhe Mitrovica, janë...

Të fundit nga rubrika