Janë arrestuar babai dhe i biri, pasi kishin ushtruar dhunë ndaj të miturës, familjares së tyre.
Sipas raportit 24-orësh të Policisë së Kosovës, viktima ka thënë se akti i të arrestuarve erdhi si shkak i lidhjes së saj me një djalë, për çka babai dhe vëllai i saj janë kundër.
“LËNDIM I LEHTË TRUPOR/Vushtrri 19.01.2023 – 20:00. Janë arrestuar dy të dyshuar meshkuj kosovarë nën dyshimin se kanë ushtruar dhunë ndaj viktimës femër kosovare, e mitur. Sipas viktimës deri te ushtrimi i dhunës ka ardhur pasi që viktima është në lidhje dashurie me një djalë, për çka babai dhe vëllai i saj janë kundër. Është njoftuar zyrtari i Qendrës për Punë Sociale, viktimës iu është ofruar tretman mjekësor dhe më pas është vendosur në strehimore.”, thuhet në raport.
Krahas kësaj, bëhet e ditur se pas intervistimit, dy të arrestuarit janë liruar në procedurë të rregullt me vendim të prokurorit.