Walker: Guximi i pabesueshëm i forcave ukrainase më kujton mjaft shumë UÇK-në

Gjersa u falënderua nga të pranishmit për kontributin e tij në Kosovë, ish-ambasadori Walker është nderuar me titullin “Doctor Honoris Causa” nga Universiteti i Pejës “Haxhi Zeka”, në ngjarjen që po zhvillohet në Hotel ”Dukagjini” të Pejës. Gjersa ka thënë se shpreson që bota të vazhdojë përpjekjet e saj në luftën kundër krimit në Ukrainë, Walkerit ushtria ukrainse po ia rikujton edhe UÇK-në

Ish-ambasadori i OSBE-së, Walker po nderohet me titullin “Doctor Honoris Causa” nga Universiteti i Pejës “Haxhi Zeka”, në Hotel ”Dukagjini” të Pejës

Ish-ambasadori Walker ka thënë se forcat ukrainase po ia kujtojnë Ushtrinë Çlirimtare të Kosovës (UÇK), përgjatë përpjekjeve të guximshme të tyre në mbrojtje të vendit.

Aktualisht, Walker po nderohet me titullin “Doctor Honoris Causa” nga Universiteti i Pejës “Haxhi Zeka”, në Hotel ”Dukagjini” të Pejës.

Në fjalën e tij të rastit, ai ka thënë se shumë ”Reçaka” po ndodhin në peizazhin evropian, duke iu referuar shtetit ukrainas.

“Kanë ndodhur gjëra dramatike dhe trazira në peizazhin evropian gjatë këtyre dy viteve, ndër më të rëndësishmet për atë çka ka ndodhur në Ukrainë, derisa jemi sot këtu ulur dhe qytetarët evropianë, bashkëqytetarët tuaj evropianë janë duke u përballur me shumë ‘Reçaka’ çdo ditë dhe sinqerisht besoj që bota do të bëjë atë që është përpiqur gjithmonë ta bëjë”, ka deklaruar ai.

Gjersa ka thënë se shpreson që bota t’i vazhdojë përpjekjet e saj në luftën kundër krimit në Ukrainë, Walkerit ushtria ukrainse po ia rikujton edhe UÇK-në.

“Kurajo, guximi i pabesueshëm i forcave ukrainase më kujton mjaft shumë UÇK-në këtu, atë që është bërë këtu për t’u përpjekur të mbrohen familjet, fshatrat nga kriminaliteti që vinte nga Beogradi”, ka deklaruar ai, gjersa i ka uruar fat Kosovës në sfidat e saj.

Në ceremoninë e ndarjes së çmimit ka marrë pjesë edhe kryeministri i Kosovës, Albin Kurti, ministrja e MASHTI-t, Arbërie Nagavci, ministri i Mbrojtjes, Armend Mehaj, rektorë të universiteteve publike dhe private e të tjerë.

Ndryshe, më 15 janar të vitit 1999, kriminelët dhe ushtarët serbë bënë masakër makabre në popullatën civile, ku u vranë dhe u masakruan 45 shqiptarë.

Masakra u organizua dhe u krye nga forcat policore, ushtarake dhe paraushtarake serbe, gjë të cilën, Serbia vazhdon ta refuzojë. Walker kishte vizituar zonën një ditë pas masakrës, dhe lajmi për të, i hapi rrugën bombardimeve të NATOS-s, duke e vënë Kosovën në vëmendje ndërkombëtare.

Qeveria e Kosovës në mbledhjen e mbajtur të mërkurën e 11 janarit, miratoi vendimin për ndarjen e 70 mijë eurove për promovimin e librit “Reçaku” të ish-ambasadorit të OSBE-së në Kosovë, William Walker.

Ndryshe, lufta në Ukrainë ka filluar më 24 shkurt të vitit 2022.

 

 

Shija e redaktorit

Trupat e FSK-së arrijnë në Adana, priten me duartrokitje nga...

Kontingjenti i parë i FSK-së në operacionin e kërkim-shpëtimit në zonat e prekura nga tërmeti në Turqi, tashmë ka arritur në Adana. Fondacioni SETA në...

Distria Krasniqi fiton medaljen e artë në garën më prestigjioze...

Xhudistja nga Kosova, Distria Krasniqi ka fituar medaljen e artë në turneun "Grand Slamin", i cili po mbahet në Paris të Francës. Distria nuk ndalon...

Albina Kelmendi dhe familja do të performojnë në natën e...

Shqipëria e cila këtë vit prezantohet nga Albina Kelmendi me familje me këngën “Duje”, do të performojnë në natën e dytë gjysmëfinale, më 11...

Më të lexuarat

Avokati i Fatmir Limajt me ultimatum për analistin Hoxha, për...

Analisti i emisionit Debat Plus në RTV Dukagjinin, Dibran Hoxha, i ka publikuar disa mesazhe që i ka marrë në rrjetin e tij social...

Takimi miqësor i dy ikonave të xhudos

Dy ikona të xhudos, Majlinda Kelmendi dhe Teddy Riner, kanë pasur një takim të shkurtë miqësor gjatë Grand Slamit, në Paris. Xhudistja Kelmendi tashmë është...

Vdes vajza që ishte duke u trajtuar në QKUK, policia...

Policia e Kosovës ka nisur hetimet për një rast të vdekjes që ka ndodhur në Qendrën Klinike Universitare të Kosovës (QKUK). Policinë e ka lajmëruar...

Të fundit nga rubrika