WhatsApp do ta lejojë përdorimin e një profili në shumë telefona

Funksioni më i ri i WhatsApp-it do të shpërndahet për të gjithë përdoruesit gjatë javëve në vijim

WhatsApp së shpejti mund t’i lejojë përdoruesit të kenë qasje në një llogari nga disa telefona të ndryshëm.

Kjo është një veçori që kompania filloi ta testojë në vitin 2021.

Pasi përdoruesit të kenë qasje në funksion, kur e instalojnë atë në një telefon të ri inteligjent, ata do të shohin një opsion për t’u lidhur me një llogari ekzistuese, shkruan Engadget.

Pasi ta konfirmojë përzgjedhjen e tyre, programi do t’u kërkojë atyre ta skanojnë kodin QR në pajisjen kryesore, një hap që përfshin navigimin në seksionin “Pajisjet e lidhura” të cilësimeve dhe shtypjen e butonit “Lidh një pajisje”.

Nëse procesi mund t’ju tingëllojë pak i komplikuar, WhatsApp ka njoftuar se do ta prezantojë një metodë më të qasshme të lidhjes së pajisjeve, që do t’i lejojë përdoruesit të dërgojnë një kod një herë në telefonin inteligjent që duan të shtojnë në llogarinë e tyre përmes klientëve në faqen e internetit.

WhatsApp do ta sjellë këtë lidhje më të thjeshtë me pajisjet e tjera në të ardhmen. Me sistemin e ri të sinkronizimit, pajisja primare nuk ka nevojë të mbyllet ose të aktivizohet që përdoruesi të fillojë të pranojë mesazhe dhe thirrje në telefonin dytësor.

WhatsApp do të dalë automatikisht nga pajisjet e tjera, nëse telefoni kryesor është joaktiv për më shumë se 14 ditë, dhe përdoruesit gjithashtu mund të dalin manualisht nga pajisjet e lidhura duke përdorur telefonin kryesor.

“Çdo telefon i lidhur lidhet me WhatsApp në mënyrë të pavarur dhe kështu siguron që mesazhet, skedarët dhe thirrjet tuaja të mbeten të koduara në të dy anët”, thuhet në njoftimin e kompanisë Meta.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika