Trajneri i Barcelonës, Xavi Hernandez, si duket e ka pranuar se gjigandi i La Ligas gjendet në një situatë të palakmueshme.
Në një konferencë për media, Hernandez ka treguar se synimi i këtij sezoni është që të fitojnë tituj, por, nëse nuk do të ketë rezultate, atëherë do të vijë një trajner i ri në klub.
“Ndjehem optimistë në këtë projekt. Synimi në këtë sezon është për të fituar tituj. Rezultatet do të vijnë, dhe nëse nuk do të vijnë, atëherë një trajner i ri do të vijë”, ka thënë Xavi.
Njashtu, Hernandez, ka refuzuar të komentonte sa i përket transferimeve në merkaton dimërore, respektivisht në janar, duke e cilësuar si afat të hershëm dhënien e një mendimi.
“Transferime në janar? Bordi janë duke punuar, por është shumë herët që të flasim për këtë gjë”, ka thënë tutje ai.
Vlen të theksohet, se Barcelona nën drejtimin e Xavit u eleminua për të dytin vit me radhë nga Liga e Kampionëve, ku tani pritet që të vazhdojë edhe garat evropiane në Ligën e Evropës.