Xhaçka për aksidentin tragjik në Ukrainë: Zemrat dhe lutjet tona shkojnë për popullin ukrainas

Ministrja për Evropën dhe Punët e Jashtme, Olta Xhaçka, pas aksidentit tragjik në Ukrainë, ka shkruar një mesazh ngushëllimi

Ministrja për Evropë dhe Punë të Jashtme në Shqipëri, Olta Xhaçka,

Ministrja për Evropën dhe Punët e Jashtme, Olta Xhaçka, ka shprehur ngushëllime për humbjen e jetëve nga aksidenti tragjik në Ukrainë.

Me anë të një postimi në llogarinë e saj në Twitter, Xhaçka ka thënë se zemrat dhe lutjet shkojnë për të gjithë popullin ukrainas.

Të paktën 18 persona kanë humbur jetën, përfshirë ministrin e Brendshëm të Ukrainës dhe tre fëmijë, pas përplasjes së një helikopteri pranë një kopshti të fëmijëve në periferi të Kievit, të mërkurën.

“Shprehim ngushëllimet tona të përzemërta për qeverinë dhe popullin e Ukrainës  për humbjen tragjike të jetës së ministrit Monastyrsky, zyrtarëve dhe civilëve të tjerë, duke përfshirë fëmijë në një rrëzim helikopteri pranë Kievit. Zemrat dhe lutjet tona shkojnë për popullin ukrainas”.

Sipas Ihor Klymenkos, shef i Policisë Kombëtare të Ukrainës, nëntë nga viktimat ishin në bordin e helikopterit.

Shkaku i incidentit nuk dihet ende.

Ministri i Brendshëm ukrainas, Denys Monastyrsky, ishte një nga personat në bord të helikopterit. Zëvendësi i tij, Yevgeniy Yenin dhe sekretari i shtetit, Yurii Lubkovych, gjithashtu humbën jetën në incident.

Bëhet e ditur se janë edhe 29 persona të plagosur, mes tyre 15 fëmijë.

Guvernatori rajonal i Kievit, Oleksiy Kuleba, tha se “në momentin e tragjedisë kanë qenë të pranishëm fëmijë dhe punonjës të kopshtit”.

Kuleba shtoi se ka njerëz të lënduar, por nuk dha detaje të tjera.

Ekipet mjekësore, policia dhe zjarrfikësit janë në vendin e ngjarjes, shtoi ai.

Shija e redaktorit

Lansohet platforma e-Komuna, Kurti: Drejt një qeverisjeje digjitale me fokus...

Ministria e Administrimit të Pushtetit Lokal ka organizuar të premten ceremoninë e lansimit të shërbimeve të e-Komuna, e cila është pjesë e platformës shtetërore...

ASK: Në Kosovë s’ka rënie të madhe të numrit të...

Procesi i regjistrimit të popullsisë në Kosovë përfundon këtë të premte, pas fillimit të tij më 5 prill, rezultatet preliminare të të cilit pritet...

Osmani bisedon me homologun gjerman, diskuton rëndësinë e anëtarësimit të...

Presidentja e Kosovës, Vjosa Osmani, të martën mbrëma ka zhvilluar një bisedë telefonike me homologun gjerman, Frank-Walter Steinmeier. Në një postim në rrjetin social "X",...

Të fundit nga rubrika