Kryetari i degës së Lidhjes Demokratike të Kosovës (LDK) në Obiliq, Xhafer Gashi, ka dhënë dorëheqje nga të gjitha funksionet e tij në parti, duke marrë përgjegjësinë për rezultatin e dobët në zgjedhje.
Ai bëri të ditur se dorëheqja e tij përfshin të gjitha pozitat që ka mbajtur në LDK.
“Unë si kryetar i degës së LDK-së në Obiliq, e marr përgjegjësinë për humbjen dhe jap dorëheqje nga Këshilli i Përgjithshëm, nga Kryesia e Lidhjes Demokratike dhe nga kryetar i nëndegës”, deklaroi ai.