Xhaferi – Philippidou: Me marrëveshjen e Prespës janë thelluar marrëdhëniet

Takimi i Kryetarit të Kuvendit, Talat Xhaferi me ambasadoren e re të Greqisë, Sofije Filipidu, është manifestua me thellimin e bashkëpunimit në sferën e ekonomisë, infrastrukturës dhe turizmit mes dy vendeve

Kryetari i Kuvendit në Republikën e Maqedonisë së Veriut, Talat Xhaferi, të premten e 18 nëntorit ka pritur në takim ambasadoren e sapoemëruar të Greqisë në Shkup, Sofija Filipidu.

Xhaferi gjatë takimit ka thënë se raportet mes Shkupit dhe Athinës tanimë janë në një nivel shumë të lartë bashkëpunimi.

“Xhaferi duke i drejtuar urime për emërimin në funksion dhe duke dhe i uruar sukses në punën e saj, shprehu pritjet për vazhdimin e kontinuitetit të bashkëpunimit me Ambasadën në Shkup. Hapat e ndërmarra nga të dyja qeveritë në vitet e kaluara mundësuan bashkëpunim bilateral më intensiv, përfshirë edhe anëtarësimin tonë në Nismën Adriatiko-Joniane, si edhe anëtarësimin në NATO”, theksoi Xhaferi, kryetar i Kuvendit.

Ai shtoi se në ato suaza, është përforcuar bashkëpunimi institucional në fushën e mbrojtjes, në raport me mbrojtjen e hapësirës ajrore të Republikës së Maqedonisë së Veriut

“Në takim u bë fjalë edhe për nismën proaktive nga ana jonë për realizimin e vizitave bilaterale në të gjitha nivelet, përfshirë edhe në nivel të kryetarëve të parlamenteve, si edhe për avancimin në fushën e eurointegrimeve dhe aktiviteteve të radhës me të cilat do të mundësohet hapja e klasterëve dhe kapitujve në procesin e negocimit për anëtarësim në BE”, thuhet në kumtesën e Kuvendit.

Ambasadorja Filipidu falënderoi përzemërsisht për realizimin e takimit, duke u pajtuar se me Marrëveshjen e Prespës ka thellim të raporteve, por se gjithmonë ka mundësi për dinamizim të mëtejshëm dhe për futjen e energjisë plotësuese në implementimin e saj.

Segment i rëndësishëm i këtij bashkëpunimi është avancimi i dimensionit parlamentar dhe këmbimi i përvojave ndërmjet parlamentarëve për çështje me interes të ndërsjellë.
Nga ana e saj u përsërit qëndrimi zyrtar shtetëror për mbështetjen e plotë të Republikës së Maqedonisë së Veriut për anëtarësimin në BE dhe sigurimin e ndihmës dhe ekspertizës gjatë këtij procesi, si edhe mbështetjen e qeverisë greke për menaxhimin e krizës energjetike.

Bashkëbiseduesit u pajtuan se bashkëpunimi i ndërsjellë dhe ndihma për popullin dhe institucionet ukrainase në kuadër të NATO-s duhet të vazhdojë ndërsa potencialet në sferën e ekonomisë, infrastrukturës dhe turizmit duhet të shfrytëzohen në mënyrë përkatëse nga ana e të dyja palëve.

(Në të majtë) Ambasadorja Sofije Filipidu dhe Kryetari i Parlamentit Talat Xhaferi (në të djathtë)

Shija e redaktorit

Gazetari i RTV Dukagjinit, Dardan Idrizi shpallet fitues i çmimit...

Në ditën e shënimit të 20 vjetorit të themelimit të Asociacionit të Gazetarëve të Kosovës (AGK), kjo organizatë ka mbajtur një event, në të...

Fotografia familjare e Samitit në Tiranë

Siç e do zakoni, pjesëmarrësit e Samitit në Tiranë për Ballkanin Perëndimor dhe Bashkimit Evropian, kanë realizuar "fotografinë familjare" në ambientet e Hotel Marriott,...

Çfarë do t’i sjellin Kosovës ujditë në samitin e BE-së...

Të martën e 6 dhjetorit, samiti në Tiranë do të jetë i pari midis Bashkimit Evropian dhe Ballkanit Perëndimor që zhvillohet në territorin e...

Më të lexuarat

BE merr ‘anë’ në raportet mes Kosovës dhe Serbisë

Emrimi i Nenad Rashiq, Ministër për Kthim dhe Komunitete nga Kryeministri i Kosovës, Albin Kurti, ka ardhur një muaj pas bojkotimit të institucioneve të...

Zotëria i parë i Kosovës për Vuçiqin: Ish-Ministri i “kasapit...

  Zotëria i parë i Kosovës, Prindon Sadriu ka shpërndarë një lajm në rrjetin e tij social Facebook, ku presidentin e Serbisë, Aleksandar Vuçiq e...

Serbia gjobitet nga FIFA për Kosovën

Federata e Futbollit të Serbisë është gjobitur nga FIFA të mërkurën për deklarata politike të  bëra në kuadër të Kupës së Botës që po...

Të fundit nga rubrika