Përzgjedhësi i Kombëtares së Zvicrës, Murat Yakin në një konferencë për media të enjten e 16 marsit ka konfirmuar se futbollisti me prejardhje shqiptare, Granit Xhaka, do të jetë në cilësinë e kapitenit në ekipin e kombëtares zvicerane.
Debate të ndryshme të cilat kanë qenë edhe të hapura, kanë aluduar në dyshimin se a e meriton Xhaka shiritin e kapitenit. Por spekulimeve u ka dhënë fund Yakin, duke pretenduar se Xhaka është shembull, si brenda, ashtu edhe jashtë fushës.
“Jemi 100 % pas Granitit. Ai është kapiteni im. Ai jep një shembull, si brenda, ashtu edhe jashtë fushës. Këto janë pritjet e mira nga një kapiten. Jam shumë i lumtur që e kam në skuadër”, ka thënë Yakin.