Gazetari Vudi Xhymshiti ka reaguar pas deklarimeve të Milaim Zekës, i cili tha se Halit Sahitaj e ka parë atë në Beograd.

Në një lidhje direkte në Debat Plus, Xhymshiti i ka mohuar këto pretendime.

“Nuk kam qenë kurrë në Beograd dhe Halit Sahitajn nuk e kam njohur asnjëherë”, ka theksuar ai.

Më tej, Xhymshiti ka akuzuar Halit Sahitajm se ka tentuar ta korruptojë për ta publikuar një dokument të fabrikuar.

“Me direktivat e Milaim Zekës, është përpjekur të më korruptojë për të publikuar një dokument të fabrikuar”, ka deklarua ai.

I pyetur nëse ka marrë fonde nga Qeveria e Kosovës, Xhymshiti nuk dha një përgjigje të drejtpërdrejtë.

“Tema nuk është te fondet e Qeverisë… nuk kam përgjigje për pretendimet e trilluara”, ka theksuar ai.