Ylli dominon në pjesën e dytë dhe barazon gjithçka ndaj Trepçës, titulli vendoset në “Minatori”

Golden Eagle Ylli ka shënuar fitore ndaj Trepçës me rezultat 75-71 në palestrën “13 Qershori” që ishte e stërmbushur me shikues për ndeshjen e katërt të serisë finale të play-offit në Superligën e Kosovës në basketboll.

Trepça e mbylli në epërsi prej pjesën e parë ndaj Golden Eagle Yllit në Suharekë me katër pikë.

Pas 20 minutave lojë rezultati është 33:29 në të mirë të ekipit mitrovicas.

Mitrovicasit fituan çerekun e parë me rezultat 15:13 dhe të dytin me shifrat 18:16, raporton Telegrafi.com.

Por me të filluar çereku i tretë, vendasit filluan të tregojnë aftësitë e tyre, duke barazuar fillimisht, për të kaluar pastaj në epërsi.

Çereku i tretë i takoi plotësisht Yllit, që e fitoi me rezultat 20-13, duke shkuar në çerekun e fundit 49-46.

Dhjetë minutat e fundit ishin të forta, me Yllin që e nisi sërish më mirë, duke marr një epërsi prej 9-6 fillimisht në katër minutat e para për të dërguar rezultatin në 58-52.

Ylli e siguroi fitoren kur shkoi në një seri tjetër prej 6-0, duke e dërguar rezultatin në 64-52, kur kishin mbetur edhe më pak se katër minuta lojë.

Edhe pse Trepça u ngjall në minutat e fundit, çereku i katërt u mbyll 26-25, që i dha fitoren Yllit në fund.

Alonzo Verge Jr ishte më i miri te fituesit me 27 pikë, ndërsa te mysafirët spikati Kevin Capers me 17 pikë.

Titulli i kampionit do të vendoset në ndeshjen e pestë që do të zhvillohet në Mitrovicë në palestrën “Minatori” javën që vjen.

Shija e redaktorit

Nëna e Leotrimit: Djali im paska qenë i krejt Kosovës

Gjatë së martës, më 18 qershor, që shënonin 25-vjetorin e Ditës së Çlirimit të Skenderajt, është përuruar shtatorja Leotrim Ahmetit, 7-vjeçarit të vrarë gjatë...

Kosova dhe Izraeli me marrëveshje për heqjen e vizave

Izraeli i ka hequr vizat për qytetarët e Kosovës, duke u bërë kështu shteti i 50-të që mundëson lëvizje të lirë për kosovarët. Kështu ka...

Nga sot shqiptarët udhëtojnë pa viza drejt Azerbajxhanit

Nga dita e sotme qytetarët e Shqipërisë me pasaporta të rregullta mund të udhëtojnë pa viza drejt Azerbajxhanit. Ambasadori i Azerbajxhanit në Shqipëri, Anar Huseynov...

Të fundit nga rubrika