Ish-kampionin e elitës së basketbollit të Kosovës, Golden Eagle Yllin, do ta drejtojë një trajner grek. Kostas Flevarakis është zyrtarizuar nga skuadra suharekase të mërkurën në mbrëmje.
“Kostas është trajner me përvojë të madhe në basketbollin grek. Ai udhëhoqi PAOK-un për disa sezone, me të cilën fitoi Kupën e Greqisë dhe ishte finalist i ligës. Së fundmi ishte trajner i Sopronit në Hungari. Ishte trajner i Suedisë për 5 vjet”, ka shkruar Golden Eagle Ylli në Facebook.
Kostas pritet t’i bashkohet skuadrës gjatë kësaj jave, ndërsa stërvitjet pritet t’i nisë nga fillimi i javës së ardhshme.
Golden Eagle Yllin e kishte drejtuar trajneri Adis Beqiragiq.
Me të, Ylli ishte përshëndetur në fund të muajit maj të këtij viti.