Ymeri: Disa deputetë të VV-së e kanë arsyetuar nepotizmin me profesionalizëm

Visar Ymeri, analist politik

Analisti politik, Visar Ymeri, ka thënë se kryeministri Albin Kurti nuk është përgjegjës vetëm për veten e tij, por edhe për Qeverinë dhe partinë e tij.

Sipas Ymerit, nuk mjafton që Kurti të thotë unë nuk punësoj familjarë të mi, por duhet që edhe anëtarët e partisë së tij të mos veprojnë ashtu.

Ymeri tha se disa deputetë e kanë arsyetuar nepotizmin me profesionalizëm.

“Kurtin e dëgjuam, kur tha asnjëri prej vëllezërve të tij nuk e ka shkelur kurrë ndërtesën e Qeverisë, as prindërit nuk e kanë shkelur ndërtesën e Qeverisë. Këto i përdori si shembull që nuk e mbështet nepotizmin. Mirëpo, kemi pas raste të njerëzve tjerë në VV që i kanë avancuar edhe familjarët e vet, kemi pasur deklarata të deputetëve që kanë thënë megjithatë po avancohen për shkak të profesionalizmit. Është arsyetuar nepotizmi me profesionalizëm. Është problematike nëse shikohet kështu nga kryeministri, sepse ai është përgjegjës për funksionimin e tërë Qeverisë, dhe si kryetar edhe për partinë. Nuk mundet të thotë se ne jemi të mirë sepse unë jam i mirë. Ti mund të jesh i mirë personalisht, por çfarë po bën ta bësh të mirë të gjithë qeverisjen”, ka thënë ai.

Ymeri u shpreh se Kurti nuk po jep fare shpresë se do të qeverisë më ndryshe se të tjerët, sa i përket çështjes së nepotizmit.

Shija e redaktorit

Lansohet platforma e-Komuna, Kurti: Drejt një qeverisjeje digjitale me fokus...

Ministria e Administrimit të Pushtetit Lokal ka organizuar të premten ceremoninë e lansimit të shërbimeve të e-Komuna, e cila është pjesë e platformës shtetërore...

ASK: Në Kosovë s’ka rënie të madhe të numrit të...

Procesi i regjistrimit të popullsisë në Kosovë përfundon këtë të premte, pas fillimit të tij më 5 prill, rezultatet preliminare të të cilit pritet...

Osmani bisedon me homologun gjerman, diskuton rëndësinë e anëtarësimit të...

Presidentja e Kosovës, Vjosa Osmani, të martën mbrëma ka zhvilluar një bisedë telefonike me homologun gjerman, Frank-Walter Steinmeier. Në një postim në rrjetin social "X",...

Të fundit nga rubrika