Analisti, Visar Ymeri ka thënë se ”kjo formë e organizimit të zgjedhjeve natyrisht nuk i bën ato legjitime as në syrin e ndërkombëtarëve e as me pak në sytë e shteteve të tjera që nuk janë partnere me Republikën e Kosovës”.
Ymeri në emisonin “Five” të RTV Dukagjini ka thënë se çështja e zgjedhjeve në veri është dashur të diskutohej në Ohër në procesin e negociatave dhe se mosmbajtja e zgjedhjeve e ka ndikimin e vet te procesi negociator.
”Kjo formë e organizimit të zgjedhjeve natyrisht nuk i bën ato legjitime, natyrisht as në syrin e ndërkombëtarëve e as më pak në sytë e shteteve të tjera jo partnere me Republikën e Kosovës. Unë konsideroj që kjo çështje është dashur të diskutohej në Ohër, në procesin e negociatave në të cilin do të duhej të merreshin vesh se si do të organizoheshin zgjedhjet ashtu siç i parasheh ligji dhe Kushtetuta. Mosmbajtja e zgjedhjeve e ka ndikimin e vet te procesi negociator. Sepse edhe nëse duam që ta përshpejtojmë procesin e themelimit të Asociacionit siç po insiston qeveria në Beograd, prapë pa zgjedhje nuk mund të bëhet”, ka thënë Ymeri.