Gjetjet në 134 raporte të audituara për vitin 2021 janë prezantuar të martën e 5 korrikut nga Zyra Kombëtare e Audimit.
Auditorja e Përgjithshme në ZAK, Vlora Spanca, ka thënë se janë 110 raporte të auditimit financiar dhe të pajtueshmërisë dhe 11 auditime të performancës.
Vlora Spanca ka deklaruar se nga 12 ndërmarrje publike të audituara, pesë prej tyre kanë operuar me fitim, ndërsa shtatë prej tyre me humbje.
Në listën e ndërmarrjeve publike, Telekomi i Kosovës përfaqëson pjesën më të madhe të humbjeve. Ndërsa, pjesën më të madhe të fitimit përfaqësohet nga ndërrmarja “Termokos”.
“Telekomi kishte humbjen më të madhe me 10.8 milionë euro apo 66 për qind të totalit të humbjeve, kurse Termokosi kishte fitimin më të madh në shumën 1.9 milionë euro apo rreth 40 për qind nga totali i fitimit”, ka thënë Spanca.
Gjatë autimit Spanca kishte identifikuar 67 raste me elemente potenciale për kryerje të veprave penale.