Ushtruesja e detyrës së drejtoreshës së RTK-së, Zana Spahiu e ka ofruar dorëheqjen.
Dorëheqjen e ka konfirmuar vetë ajo, raporton RTK në magazinën e lajmeve.
Sipas mediumit publik dorëheqja e saj do jetë efektive nga 30 korriku.
Gjatë ditës dorëheqje ka dhënë edhe redaktori Jeton Musliu.
Ndryshe edhe Kryetari i Bordit të RTK-së, Besnik Boletini, e ka pranuar se ka pasur lëshim nga mediumi publik kur u vendos që të publikohej një artikull ku thuhej se dy medie në Kosovë financohen nga Serbia.
Boletini në një përgjigje për “Debat Plus”, tha se është krijuar një komision Ad-Hoc për ta shqyrtuar publikimin e artikullit, të cilin e cilësoi si kontrovers.
Po ashtu, AGK, dhe shoqëria civile kanë kërkuar dorëheqjen e Bordit të RTK-së.
Vlen të theksohet se brenda këtij mediumi ka pasur gazetar të cilët janë distancuar nga veprimi i fundit, ku u publikua një lajm i rrejshëm kundër mediave në Kosovë.