Zbulohen dokumente të tjera sekrete në shtëpinë e Presidentit Biden

Joe Biden, presidenti i Shteteve të Bashkuara të Amerikës

Byroja Federale e Hetimeve, FBI, ka gjetur dokumente të tjera sekrete në shtëpinë e Presidentit Joe Biden në shtetin Dellauer. Përfaqësuesi ligjor i Biden njoftoi se të premten u zbuluan gjashtë dokumente të reja gjatë një procesi kërkimore prej 12 orësh.

Gjashtë dokumente të tjera, të shënuara si të klasifikuara, u zbuluan të premten gjatë kërkimeve nga Departamenti i Drejtësisë në shtëpinë e Presidentit Joe Biden në shtetin Delaware.

Avokatët e presidentit njoftuan të shtunën se disa nga dokumentet e zbuluara datojnë nga koha kur Biden shërbente në Senat dhe të tjerat gjatë kohës që ishte në postin e nënpresidentit të vendit.

Punonjësit e FBI-së gjithashtu gjetën shënime me dorë të Biden nga koha kur ai shërbente në administratën e Presidentit Obama.

Avokati i presidentit tha se kërkimi filloi pak para orës 10 të mëngjesit të premten dhe përfundoi rreth orës 10:30 të mbrëmjes. Ai shtoi se procesi i kërkimit ishte me bazë vullnetare, në praninë e ekipit ligjor të presidentit dhe përfaqësuesve ligjor të Shtëpisë së Bardhë.

Presidenti dhe bashkëshortja e tij nuk ishin të pranishëm. Lajmi u konfirmua edhe nga zyra e prokurorit të shtetit Illinoi, e cila po shqyrton dokumentet në fjalë. Avokati i Presidentit Biden, Rich Sauber, lëshoi një deklaratë për shtyp, shkruan VOA.

“Jemi përpjekur të balancojmë rëndësinë e transparencës publike, aty ku është e përshtatshme, me normat dhe kufizimet e vendosura të nevojshme për të mbrojtur integritetin e hetimit. Ne do të vazhdojmë ta bëjmë këtë gjatë gjithë rrjedhës së bashkëpunimit tonë me Departamentin e Drejtësisë”.

Grupi i parë i dokumenteve u zbulua në nëntor në një zyrë private që përdorte Biden pas largimit nga posti i nënpresidentit. Në dhjetor u zbuluan dokumente të tjera të klasifikuara në shtëpinë e Biden në shtetin Delaware. Gjetjet nuk u bënë publike deri në janar.

Mënyra e trajtimit të dokumenteve po hetohet nga një prokuror i posaçëm.

Gjatë një prononcimi për median të enjten, Presidenti Biden këmbënguli se ekipi i tij ligjor po vepron në bazë të ligjit dhe se po bashkëpunon plotësisht me hetimet.

“Nuk jam penduar. Po ndjek këshillat e avokatëve”, tha Biden.

Ligjvënësit republikanë kanë ngritur pikëpyetje ndaj administratës lidhur me transparencën dhe kohën e daljes së dokumenteve.

“Do të përsëris atë që ai (Presidenti) ka thënë disa herë, por në të vërtetë ai i trajton me seriozitet dokumentet e klasifikuara”, tha zëdhënësja e Shtëpisë së Bardhë Karine Jean-Pierre.

Shija e redaktorit

Trupat e FSK-së arrijnë në Adana, priten me duartrokitje nga...

Kontingjenti i parë i FSK-së në operacionin e kërkim-shpëtimit në zonat e prekura nga tërmeti në Turqi, tashmë ka arritur në Adana. Fondacioni SETA në...

Distria Krasniqi fiton medaljen e artë në garën më prestigjioze...

Xhudistja nga Kosova, Distria Krasniqi ka fituar medaljen e artë në turneun "Grand Slamin", i cili po mbahet në Paris të Francës. Distria nuk ndalon...

Albina Kelmendi dhe familja do të performojnë në natën e...

Shqipëria e cila këtë vit prezantohet nga Albina Kelmendi me familje me këngën “Duje”, do të performojnë në natën e dytë gjysmëfinale, më 11...

Më të lexuarat

Avokati i Fatmir Limajt me ultimatum për analistin Hoxha, për...

Analisti i emisionit Debat Plus në RTV Dukagjinin, Dibran Hoxha, i ka publikuar disa mesazhe që i ka marrë në rrjetin e tij social...

Takimi miqësor i dy ikonave të xhudos

Dy ikona të xhudos, Majlinda Kelmendi dhe Teddy Riner, kanë pasur një takim të shkurtë miqësor gjatë Grand Slamit, në Paris. Xhudistja Kelmendi tashmë është...

Shkon mbi 500 numri i viktimave në Turqi dhe Siri

Pasojat e tërmetit që e goditi Turqinë dhe Sirinë të hënën janë të mëdha. Numri i viktimave ka shkuar në më shumë se 500...

Të fundit nga rubrika