Policia e Kosovës ka nisur hetimet për një rast të dyshuar të kontrabandës me migrantë, pasi në një kamion në Gjilan janë gjetur gjashtë shtetas të huaj.
Sipas Policisë, rasti ka ndodhur më 25 korrik rreth orës 11:05, pasi autoritetet pranuan një informatë se gjatë shkarkimit të mallrave nga një kamion ishin vërejtur disa persona të fshehur në rimorkio.
“Njësitë policore kanë dalë në vendngjarje dhe kanë konstatuar se aty ishin gjashtë persona meshkuj – shtetas të huaj. Të njëjtit, së bashku me drejtuesin e kamionit, janë sjellë në stacion ku ka qenë prezent edhe prokurori”, thuhet në raportin 24-orësh të Policisë.
Pas intervistimit, shtetasve të huaj u janë lëshuar vërtetimet për akomodim në përputhje me procedurat dhe më pas janë liruar.
Ndërkaq, edhe drejtuesi i kamionit, i dyshuar në këtë rast, është liruar në procedurë të rregullt pas inicimit të rastit dhe konsultimit me prokurorin.
Rasti është duke u hetuar nga organet kompetente