Presidenti i Shteteve të Bashkuara të Amerikës (SHBA), Joe Biden, ka zbuluar imazhin e parë nga teleskopi i ri hapësinor i NASA-s, e cila është pamja më e thellë e kozmosit e kapur ndonjëherë.
Imazhi i parë nga Teleskopi Hapësinor, James Webb, prej 10 miliardë dollarësh tregon pamjen më të largët që ka parë ndonjëherë njerëzimi, si në kohë ashtu edhe në distancë, që është më afër agimit të universit, një milion milje në kozmos.
Pas vitesh vonesash dhe shpenzimesh me miliarda dollarë, Teleskopi Hapësinor, James Webb nisi më 25 dhjetor në një udhëtim miliona milje.
Ekuipazhet në tokë kaluan muaj duke e parë atë me kujdes të vendosej në hapësirë dhe të përgatisnin instrumentet e saj shkencore për të vëzhguar universin.
Më 12 korrik, bota do të marrë pamjen e parë të bujarisë astronomike të teleskopit hapësinor, ndërsa NASA lëshon imazhe me rezolucion të lartë dhe me ngjyra të objektivave shumë përtej sistemit tonë diellor.
Imazhi, i marrë nga teleskopi hapësinor Webb, i cili është teleskopi më i madh hapësinor i ndërtuar ndonjëherë, tregoi një pjesë të largët të qiellit në të cilin galaktikat e reja po digjen në rrugën e tyre të dukshmërisë vetëm 600 milionë vjet pas Big Bengut, raporton The New York Times.
Ketë imazh e zbuloi presidenti amerikan Joe Biden, i cili tha se kjo është drita më e vjetër e dokumentuar në historinë e universit nga 13 miliardë vjet.
“Kjo është drita më e vjetër e dokumentuar në historinë e universit nga 13 miliardë – më lejoni ta them përsëri, 13 miliardë – vjet më parë”, ka deklaruar Biden.
Ai shtoi se, “ne kemi mundësi të shohim diçka që askush nuk ka parë ndonjëherë me parë”.
Këtë njoftim Biden e bëri për të paralajmëruar për shfaqjen e madhe kozmike që do të vijë në mëngjesin e së martës, ku shkencëtarët do të zbulojnë gjithçka çka kanë parë në gjashtë muajt e fundit.
Një nga misionet e teleskopit Webb është të studiojë disa nga yjet dhe galaktikat.
Po ashtu, sipas Biden ky është një moment historik për shkencën dhe teknologjinë, për Amerikën dhe mbarë njerëzimin.
“Është e vështirë edhe ta kuptosh,” tha presidenti i SHBA. “Është befasuese. Është një moment historik për shkencën dhe teknologjinë, për Amerikën dhe mbarë njerëzimin”, u shpreh Biden.