Zbulohet një varrezë masive në Ukrainë

Maxar Technologies identifikon varreza masive në Mariupol

Të martën, zyrtarët ukrainas kanë identifikuar vendndodhjen e një varreze masive jashtë Mariupolit. Një identifikim i tillë është bërë nga kompania Maxar Technologies, raporton “Reuters“.

“Si rezultat i një kërkimi dhe identifikimi të gjatë të varrezave masive të banorëve të vdekur të Mariupolit, ne vërtetuam faktin se shumë banorë të vdekur të Mariupolit ishin varrosur në fshatin Manhush”, ka thënë Petro Andriushchenko, këshilltar i kryetarit të bashkisë së Mariupolit.

Andriushchenko i cili aktualisht nuk gjendet në Mariupol, ka publikuar kordinatat duke thënë se varret masive me përmasa afro 30 metra, gjendeshin në Manhush, 19 kilometra në perëndim të Mariupolit.

“Kamionët bartin trupat e të vdekurve, në fakt, thjesht i hodhën në bagazh”, tha ai, “kjo është dëshmi e drejtpërdrejtë e krimeve të luftës dhe përpjekjeve për t’i mbuluar ato”.

Për më tepër, së bashku me kordinatat, Maxar Technologies ka publikuar imazhe satelitore të cilat janë prova koherente të këtyre varrezave masive.

Pamja satelitore e varrezave masive, identifikuar nga “Maxar Technologies”

Kryebashkiaku i Mariupolit, Vadym Boichenko pretendon se gjatë bombardimeve  kanë vdekur afro 20 mijë njerëz.

“Më shumë se 20 mijë civilë, përfshirë gra, fëmijë dhe të moshuar, vdiqën në rrugët e qytetit tonë nga artileria armike, aeroplanët”, tha ai. “Dhe kjo është e bazuar në dëshmitë e krerëve të shërbimeve tona komunale, të cilët e panë atë. Dhe për fat të keq, ne kemi parë që trupat e banorëve të vdekur të Mariupolit kanë filluar të zhduken nga rrugët e qytetit tonë”, përcjell “cbsnews.com”.

Rusia filloi sulmet në Ukrainë që nga 24 shkurti i vitit 2022.

Shija e redaktorit

Presidentja Osmani nderohet me Çmimin e Evropës nga Fondacioni Pan-Europian

Fondacioni Fondacioni Pan-Evropian Richard Coudenhove-Kalergi i ka ndarë Presidentes së Kosovës Vjosa Osmani, çmimin e ‘Evropës’, për përkushtimin e saj ndaj raporteve me partnerët...

Nis ceremonia e diplomimit të gjeneratës së 59-të të Policisë...

Ka filluar ceremonia e diplomimit të gjeneratës së 59-të të Policisë së Kosovës. Sot diplomojnë 445 kadetë të Policisë së Kosovës. Kryeministri i Republikës së Kosovës,...

Policia konfirmon arrestimin e Akil Gjakovës

Policia e Kosovës, ka arrestuar xhudistin Akil Gjakova, si të dyshuar për veprën penale dhunë në familje. Lajmin për Portalin Dukagjini e ka konfirmuar zëdhënësi...

Të fundit nga rubrika