Zëdhënësi i AAK-së, Blaka e quan manipulatore Nagavcin

Zëdhënësi i AAK-së, Lulezim Blaka ka kritikuar ministren e arsimit, Arbërie Nagavci duke i thënë "Manipulatore atëherë, manipulatore sot". Sipas tij, Nagavci aktivizon falangat fashiste të internetit për të hedhë vrerë mbi mësimdhënësit, kur ata janë në gjendje të rëndë ekonomike

Lulezim Blaka, zëdhënës i AAK-së

Zëdhënësi i Aleancës për Ardhmërinë e Kosovës(AAK), Lulezim Blaka ka kritikuar ministren e arsimit, Arbërie Nagavci duke i thënë “Manipulatore atëherë, manipulatore sot. Vetëm stili i flokëve, tash si ministre, pak më i avancuar”.

Blaka përmes një postimi në Facebook ka thënë “në kohën kur ishte kryeministër Ramush Haradinaj, kur kishte një bashkëpunim të shkëlqyer mes qeverisë dhe sindikatës së arsimit, kur Ligji i Pagave ishte miratuar në Kuvend, kur qeveria Haradinaj kishte miratuar kompensimin e mësimdhënësve të viteve 1990-1998, kjo zonja që sot është ministre e arsimit, dilte në konferenca dhe mundohej me çdo kusht të nxiste greva e duke sajuar probleme në arsim për t’ia faturuar qeverisë Haradinaj”.

Sipas tij, tashmë Nagavci aktivizon falangat fashiste të internetit për të hedhë vrerë mbi mësimdhënësit, kur ata janë në gjendje të rëndë ekonomike.

“Nagavci është ministre e partia e saj e ka pushtetin, kur mësimdhënësit janë në gjendje të rëndë ekonomike e arsimi po ashtu në gjendje të tmerrshme, e kur Ligji i Pagave nuk është askund, zonja ministre del dhe krekoset për punën e saj, tallet me sindikatën”, ka vijuar tutje Blaka.

Ministrja e Arsimit, Shkencës, Teknologjisë dhe Inovacionit, Arbërie Nagavci më 20 gusht në një konferencë për media ka thënë se Ministria e Arsimit në koordinim me komunat dhe Drejtoritë komunale të arsimit i ka bërë gati të gjitha përgatitjet për fillimin e vitit të ri shkollor në shtator.

Gjersa e ka cilësuar si të papranueshme grevën e paralajmëruar, ajo ka thënë se mosmbajtja e mësimit i dëmton nxënësit.

“Kërkesat për kushte më të mira të punës, këto që i përmenda janë vetëm disa nga veprimet që të lehtësohet puna e mësimdhënësve por mosmbajtja e mësimit i dëmton nxënësit dhe i dëmoton të drejtat për arsim. Humbja e mësimit është humbje e të drejtës themelore për arsim dhe për ne është e papranushme se vazhdimisht po përpiqemi të ofrojmë mbështetje për mësimdhënësit dhe ngritjen e nivelit në arsim”, ka thënë ministrja Nagavci.

Nagavci për grevat: Nuk ndërpritet procesi mësimor sa herë që dikush dëshiron

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika