Zëdhënësi i IAEA-së ka thënë se misioni i Agjencisë Ndërkombëtare të Energjisë Atomike (IAEA) është shtyrë në anën e kontrolluar nga Ukraina të vijës së frontit për rreth tre orë rrugës për të vizituar termocentralin bërthamor të Zaporizhzhia-s.
Frederik Dahl ka thënë se drejtori i përgjithshëm Grossi ka negociuar personalisht me autoritetet ushtarake ukrainase për të qenë në gjendje të vazhdojë dhe ai mbetet i vendosur që ky mision i rëndësishëm të arrijë në Zaporizhzhia gjatë ditës së sotme.
Duke u nisur për në uzinë nga qyteti i Zaporizhzhia të enjten më parë, shefi i IAEA Rafael Grossi ka thënë se misioni do të ngulmonte pavarësisht “risqeve të qenësishme” që do të përballej ekipi i tij i monitorimit, raporton CNN.
Gjatë të enjtes së 1 shtatorit, shefi i Agjencisë Ndërkombëtare të Energjisë Atomike (IAEA), Rafael Grossi ka thënë se një ekip ekspertësh ndërkombëtarë kanë udhëtuar për në centralin bërthamor të Zaporizhzhia-s të Ukrainës për një inspektim të planifikuar të objektit të enjten e 1 shtatori, pavarësisht rreziqeve “të rëndësishme” të misionit të tyre.