Kandidati për deputet nga koalicioni LVV–PSHDK, Zef Morina, ka deklaruar se Podujeva po i jep mbështetje të madhe koalicionit të udhëhequr nga Lëvizja Vetëvendosje në prag të zgjedhjeve.
Përmes një postimi në Facebook, Morina ka vlerësuar punën e kryetarit të Podujevës, Shpejtim Bulliqi, duke thënë se gjatë mandatit të tij janë realizuar projekte të rëndësishme për qytetin dhe qytetarët e Llapit.
Ai ka theksuar se mbështetja për koalicionin LVV–PSHDK është e madhe në Podujevë dhe u ka bërë thirrje qytetarëve që të votojnë për vazhdimin e, siç ka thënë ai, punëve të mira dhe zhvillimit të vendit.
Morina ka shprehur bindjen se me mbështetjen e qytetarëve do të vazhdojnë projektet për një të ardhme më të mirë për Podujevën dhe Kosovën.