Presidenti i Trepçës 89, Abedin Zeka nuk po merr pjesë në takimin që sot disa klube të Superligës po e mbajnë për të diskutuar për zhvillimet e fundit.

Madje, Zeka në një përgjigje për Dukagjinin tha se “na thoshin se ka kaluar koha e kafeve, e sot takimin do e zhvillojnë në kafe. Secili klub në Kosovë është i dëmtuar të paktën 100 mijë euro nga mos zbatimi i ligjit të sponozorizimit”.

Ai po ashtu shtoi se “na kan shqetësu mbrëmë nga ora 22:00/23, por ne nga TrepÇa 89 nuk do të marrim pjesë në këtë takim. Po presim deri sa ta përfundon lojën kombëtarja një herë e pastaj shohim”.

Redaksia e Sportit në RTV Dukagjini ka kontaktuar edhe me trajnerin e Llapit Tahir Batatina i cili u përgjigj shkurtimisht.

“Po, po jemi në takim”.

Kujtojmë që moslicencimi i FFK-së nga MRKS-ja i pamundëson skuadrave të përfitojnë nga ligji i sponzorizimit, gjë që ndikon direkt në të ardhurat financiare.