Zekaj: ZRrE-ja është e obliguar t’i pezullojë tarifat e reja të energjisë elektrike

ZRrE sipas IKD-së e ka për obligim që t’i pezullojë tarifat e reja, ndryshe përbën vepër penale

Ilustrim

Zyra e Rregullatorit të Energjisë (ZRrE), ende nuk e ka pezulluar vendimin për shtrenjtimin e rrymës. Por, sipas Institutit të Kosovës për Drejtësi (IKD), ZRrE-ja është e obliguar që t’i pezullojë tarifat e reja, ndryshe përbën vepër penale.

Menaxheri i programit në IKD, Yll Zekaj, derisa beson se ZRrE-ja do ta zbatojë vendimin e gjykatës, ka thënë se, kjo e fundit, nuk mund të inkasojë më tarifat e reja për kohën e ardhshme deri në një vendim meritor.

“Varet prej veprimeve të tyre, por çdo veprim në kundërshtim me vendimin e Gjykatës, është edhe vepër penale. Kështu që nuk e besoj që ZRrE-ja do të hyjë në domenin penal, duke pasur parasysh që sfera penale kalon te personi juridik, përveç personave fizik që bien ndesh me ligjin, bien edhe personat juridikë, kështu që çdo mosrespektim i vendimit të gjykatës është vepër penale”, është shprehur ai për Kosovapress.

Menaxheri i programit në IKD, Yll Zekaj

Ai ka theksuar se me këtë rast edhe ZrE-ja, e ka mjetin juridik që është ankesa për të ankimuar këtë masë, dhe pastaj është Gjykata e Apelit me një vendim meritor në lidhje me masën derisa të trajtohet padia dhe forma meritore e vendimmarrjes për vendimin e ZRrE-së se, i njëjti, ka qenë i ligjshëm apo jo.

Ndërkaq, drejtuesit e ZRrE-së, kanë potencuar se ankimi i bërë brenda afatit të përcaktuar me ligj pengon që aktgjykimi i gjykatës të bëhet i formës së prerë dhe nuk është i ekzekutueshëm.

“ZRrE-ja do të parashtrojë ankesë brenda afatit ligjor pranë Gjykatës së Apelit. Ankimi i bërë brenda afatit të përcaktuar me ligj pengon që aktgjykimi të bëhet i formës së prerë në pjesën e goditur me ankim. Përderisa kjo çështje pas ankesës së ZRrE-së, do të shqyrtohet nga Gjykata e Apelit, aktvendimi i shkallës së parë nuk bëhet i formës së prerë dhe praktikisht nuk është i plotfuqishëm dhe i ekzekutueshëm”, ka thënë drejtori menaxhues në ZRrE, Petrit Pepaj.

Drejtori menaxhues në ZRrE, Petrit Pepaj.

Ndërkaq, sipas Yll Zekajt, vendimi i ZRrE-së i miratuar më tetë shkurt nuk prodhon efekt juridik.

“Me vendimin të cilin e ka marrë ZRrE-ja për ngritjen e tarifave, me këtë vendim është parashtruar masa e përkohshme, e cila i ka paraprirë një padie eventuale. Me këtë rast gjyqtari ka marrë vendim për caktimin e masës. Masa është aprovuar dhe si rezultat i kësaj më nuk kemi efekt juridik të vendimit të ZRrE-së”, ka thënë ai.

Sipas Zekajt, masa e bllokon tarifimin e ri të ZRrE-së e cila obligohet me këtë masë që të kthehet në gjendjen para vendimit derisa gjykata nuk vendos në mënyrë meritore nëse vendimi i ZRrE-së ka qenë i ligjshëm apo i kundërligjshëm.

“Masa nuk e paragjykon vendimin, vendimi mund të jetë edhe i ligjshëm, por tanimë kemi një masë të përkohshme, i cili nuk e lenë në funksion vendimin deri në vendosjen meritore”, ka shtuar Zekaj.

Ndryshe, Partia Demokratike e Kosovës në mars kishte parashtruar padi kundër vendimit të ZRrE-së me të cilin janë aprovuar tarifat e reja të energjisë elektrike për konsumatorët familjarë.

“ZRrE, duke mos përfshirë në strukturën e re tarifore të pagesës së energjisë elektrike, katër komunat veriore, përveç diskriminimit mbi bazën e vendbanimit, ka kontribuuar në mënyrë të drejtpërdrejtë edhe në cenimin e parimit të sundimit të ligjit dhe shtrirjes së sovranitetit shtetëror në pjesën veriore të shtetit”, kishte njoftuar PDK.

PDK ka fituar betejën e parë ligjore ndaj ZRrE-së, për ta parandaluar shtrenjtimin e çmimit të energjisë elektrike për qytetarët e Republikës së Kosovës, këtë e ka bërë të ditur përmes një konference për media.

Vendimi i Gjykatës

Sipas PDK-së, nëpërmjet vendimit të saj, Gjykata ka konstatuar se ekzekutimi i vendimit të ZRrE-së do të shkaktojë dëm të pariparueshëm për qytetarët, dhe se ky dëm do të manifestohet në aspektin financiar, përkatësisht, në vështirësitë e qytetarëve që të përballojnë pagesën e faturave me tarifat e reja të energjisë elektrike.

Kjo parti ka iniciuar edhe një komision hetimor parlamentar për krizën energjetike, i cili tashmë do të ngritet pas sigurimit të 40 nënshkrimeve të nevojshme.

Tarifat e reja të energjisë elektrike kanë hyrë në fuqi më nëntë shkurt të këtij viti.

PDK fiton betejën e parë ligjore ndaj ZRrE-së

Shija e redaktorit

INTERVISTË me Marin Memën: Kemi nevojë të duam më shumë...

Cilki i dokumentarëve, 'Gjurmë Shqiptare' me autorin Marin Mema, në Top Channel Albania përfshin një audiencë të të gjitha moshave. Në 'Gjurmë Shqiptare' trajtohen tema...

Këngët për nder të gjeniut Andy Warhol

Data e 6-gushtit shënon lindjen e një pop artisti si Andrew Warhol, arti i tij i  mrekullueshëm dhe idetë revolucionare të Warhol ishin padyshim...

“Film n’park”, tradita që i rikthehet Prishtinës

Në zemrën e gjelbërt të kryeqytetit, në mesin e dritave, miqve dhe muzikës, është vendi ku “Film n’park” shënon një rikthim pas kufizimeve nga...

Më të lexuarat

RTS zviceran: Personi që paralajmëroi vrasjen e Dick Martyt, është...

Është zbuluar se kush ishte infromatori që tregoi se ka një planë për të vrarë Dick Marty-in. Sipas Programiit të RTS Mise au point  ai...

24 vjet dhe 10 muaj burgim për të akuzuarin i...

Gjykata Themelore në Prizren, të hënën e ka dënuar të akuzuarin Sylejman Ahmeti me 24 vjet e 10 muaj burgim për vrasje. Aktakuza e ngritur...

Komandanti i parë i KFOR-it: Në Veri ekziston një grup...

Komandanti i parë i KFOR-it, Erhard Buhler, në një intervistë për Albanian Post, ka thënë se në veri të vendit ekziston një grup multietnik...

Të fundit nga rubrika