Kufijtë e Zelandës së Re janë plotësisht të hapur për herë të parë që nga marsi 2020, kur ata u mbyllën në një përpjekje për të mbajtur jashtë COVID-19.
Autoritetet e imigracionit tani do të fillojnë të pranojnë sërish vizitorët me viza dhe ata me viza studentore. Kryeministrja e Zelandës së Re, Jacinda Ardern, e quajti atë një “moment të madh”, duke shtuar se ishte pjesë e një “procesi të kujdesshëm”.
Shumica e vizitorëve do të duhet ende të vaksinohen plotësisht, por nuk ka kërkesa për karantinë. Kufiri detar i vendit është rihapur me anijet e lundrimit dhe jahtet e huaja rekreative tani të lejuara të ankorohen, raporton BBC.
Në maj, Zelanda e Re filloi të mirëpresë turistë nga më shumë se 50 vende në listën e heqjes së vizave.
“Ne, së bashku me pjesën tjetër të botës, vazhdojmë të menaxhojmë një pandemi globale shumë të gjallë, duke i mbajtur njerëzit tanë të sigurt,” tha kryeministrja e Zelandës së Re.
“Por mbajtja e njerëzve të sigurt shtrihet edhe në të ardhurat dhe mirëqenien.”
Si e mposhti herët Zelanda e Re COVID-19?
Turizmi ishte një nga industritë më të goditura nga masat e ashpra të COVID-19 të Zelandës së Re.
Mënyra sesi Zelanda e Re mposhti herët COVID-19 është mbyllja e kufijve, dhe ky veprim do të ndikonte negativisht në turizëm. Në mars 2021, kontributi i industrisë në PBB ra në 2.9%, nga 5.5% një vit më parë.
Turizmi ndërkombëtar mori një goditje, veçanërisht, të madhe, duke rënë 91.5% – ose 16.2 miliardë dollarë NZ (10.2 miliardë dollarë; 8.4 miliardë dollarë) – në 1.5 miliardë dollarë, sipas të dhënave zyrtare.
Numri i njerëzve të punësuar drejtpërdrejt në turizëm, gjithashtu, ra me mbi 72 mijë gjatë kësaj periudhe.