Zelensky denoncon terrorin rus në fjalimin e OKB-së

Presidenti ukrainas Volodymyr Zelensky ka akuzuar Rusinë për “krime kundër njerëzimit” pasi një breshëri e re raketore ka shkaktuar ndërprerje të energjisë elektrike në gjithë Ukrainën, këtë akuzë ia ka thënë Këshillit të Sigurimit të OKB-së

Ilustrim





Presidenti ukrainas Volodymyr Zelensky ka akuzuar Rusinë për “krime kundër njerëzimit” pasi një breshëri e re raketore ka shkaktuar ndërprerje të energjisë elektrike në gjithë Ukrainën.

Ai i ka thënë Këshillit të Sigurimit të OKB-së përmes një videolidhjeje se “formula e terrorit” rus kishte detyruar miliona njerëz të qëndronin pa furnizime me energji, pa ngrohje, pa ujë.

Sulmet kanë vrarë afro shtatë persona, kanë thënë për BBC-në zyrtarë ukrainas.

Ndërkaq, termocentralet bërthamore kanë dalur jashtë linjës.

Të tre termocentralet ende nën kontrollin e Ukrainës u shkëputën nga rrjeti dhe uzina e Zaporizhzhia – më e madhja në Evropë – u detyrua përsëri të mbështetej te gjeneratorët me naftë për të fuqizuar sistemet e saj të ftohjes dhe pajisjet kryesore të sigurisë.

Agjencia Ndërkombëtare e Energjisë Atomike (IAEA) ka shprehur shqetësim të madh për centralin e kontrolluar nga Rusia në Zaporizhzhia, i cili ka pësuar dëme nga granatimet e përsëritura.

Moldavia fqinje përjetoi gjithashtu ndërprerje masive të mërkurën, por nuk u godit drejtpërdrejt.

Me fillimin e dimrit, Moska ka rritur sulmet në infrastrukturën energjetike të Ukrainës.

Zyrtarët thonë se sulmet me raketa të Rusisë në termocentralet kanë shkaktuar dëme “kolosale” dhe kanë lënë më shumë se gjysmën e rrjetit të vendit në nevojë për riparim.

Vonë të mërkurën, Zelensky ka thënë se situata në Kiev mbeti “shumë e vështirë” dhe përpjekjet do të vazhdojnë gjatë natës për të rivendosur energjinë elektrike.

Kryebashkiaku Vitali Klitschko ka theksuar se të paktën 80% e banorëve të kryeqytetit nuk kishin energji apo ujë të rrjedhshëm.

Por, Zelensky ka thënë se disa qytete të tjera të goditura nga raketat ruse kishin arritur të rivendosin energjinë, duke përfshirë Lviv, Odesa dhe Cherkasy.





Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika