Zelenskyy diskuton me Erdoganin për evakuimin e civilëve nga Mariupoli

Presidenti i Ukrainës, Volodymyr Zelensky, ka diskutuar me homologun e tij turk, Recep Tayyip Erdogan, për evakuimin e qytetit të Mariupolit, i cili prej mbi një muaji ndodhet nën rrethimin rus.

Presidenti i Ukrainës, Volodymyr Zelenskyy ka zhvilluar një bisedë telefonike të dielën me homologun e tij nga Turqia, Rexhep Tajip Erdogan.

Këtë e bëri të ditur vetë presidenti ukrainas, përmes një postimi në Twitter, duke e cilësuar këtë bisedë të rëndësishme, pasi është theksuar nevoja për evakuim të menjëhershëm të civilëve nga Mariupoli dhe duke përfshirë ngujimin në Azovstal, për të bërë shkëmbim të menjëhershëm të trupave të bllokuara.

Azovstal në Mariupol

“Në prag të bisedimeve të tij me presidentin rus Vladimir Putinin, unë theksova nevojën për evakuim të menjëhershëm të civilëve nga Mariupoli, duke përfshirë Azovstalin, dhe shkëmbim të menjëhershëm të trupave të bllokuara”, ka shkruar Zelenskyy.

Ushtarët e Regjimentit Azov publikuan një video që tregon se edhe fëmijët fshihen në bunkerët e uzinës Azovstal në Mariupol. Videoja është shpërndarë në faqen në Facebook të Komandës Ajrore “West”, transmeton RTV Dukagjini.

Të shtunën, presidenti ukrainas kërcënoi se do të tërhiqej nga çdo negociatë me Moskën nëse trupat ruse do të shkatërronin ukrainasit e strehuar në fabrikën e çelikut Azovstal, zonë e madhe industriale në Mariupol.

Luftëtarët e fundit të Mariupol-it kanë mbetur të ngujuar në fabrikën e çelikut

Turqia ka marrëdhënie të mira si me Ukrainën ashtu edhe me Rusinë, dhe presidenti turk Erdogan ka luajtur një rol kyç në përpjekjen për të ndërmjetësuar një armëpushim midis dy vendeve. Një nga raundet e tilla të negociatave u mbajt muajin e kaluar në Stamboll.

Vetë Erdogan, ka qenë ndërmjetësues i negociatave ku, një tryezë e përbashkët u mbajt në Ankara mes dy delegacioneve.

Pavarësisht kësaj, një marrëveshje paraprake nuk është arrit dhe prej asaj dite, nuk ka pasur më bisedime mbi armëpushim apo mbylljen tërësore të luftës.

Shija e redaktorit

Spanja në finale, mposht Francën

Kombëtarja e Spanjës ka arritur kualifikimin në finale të Euro 2024, pasi mposhti me rezultat 2:1 kombëtaren e Francës në gjysmëfinale. Në pjesën e dytë...

Ballkani triumfon në ndeshjen e parë kualifikuese në Ligën e...

Ballkani ka fituar 2-1 ndaj Santa Coloman në 1/8 e fazës kualifikuese në Ligën e Kampionëve. Ndeshja nisi me një ritëm të qetë, por që...

Blinken duartroket rolin e Osmanit për hapjen e qendrës rajonale...

Sekretari amerikan i Shtetit, Antony Blinken, ka vlerësuar rolin e presidentes së Kosovës, Vjosa Osmani, në hapjen e qendrës rajonale “Gratë, Paqja dhe Siguria”...

Të fundit nga rubrika