Zelenskyy i kërkon Katarit që ta rrisë eksportin e energjisë

Presidenti i Ukrainës, Volodymyr Zelensky

Presidenti i Ukrainës, Volodymyr Zelenskyy, të shtunën e 26 marsit u ka bërë thirrje vendeve të pasura me energji që të rrisin prodhimin e naftës dhe gazit natyror.

Kjo pasi, sanksionet perëndimore kanë prekur eksportet ruse të cilat janë thelbësore për vendet evropiane.

Ai, me anë të një video në Forumin Doha të Katarit, për të kompensuar humbjen e furnizimeve ruse të energjisë, u ka bërë thirrje Kombeve të Bashkuara dhe fuqive botërore që t’i vijnë në ndihmë.

“Ju bëj thirrje që të rrisni prodhimin e energjisë për ta bërë Rusinë të kuptojë se, asnjë shtet nuk duhet të përdorë energjinë si armë dhe të shantazhojë botën”, ka thënë ai.

Presidenti i Ukrainës, Volodymyr Zelenskyy

Sipas tij, e ardhmja e Evropës varet nga përpjekjet e tyre.

“Shtetet përgjegjëse, veçanërisht Katari, ju jeni furnizues të besueshëm dhe me reputacion të burimeve të energjisë, dhe ju mund të kontribuoni në stabilizimin e situatës në Evropë”, është shprehur Zelenskyy.

Siç raporton Associated Press, Zelenskyy ka paralajmëruar se lufta mund të ndikojë edhe në eksportet bujqësore të Ukrainës në botë.

“Shteti ynë do të ketë ushqim të mjaftueshëm. Por, mungesa e eksporteve nga Ukraina do të godasë shumë vende në botën islame, Amerikën Latine dhe pjesë të tjera të botës”, ka shtuar Zelenskyy.

Sipas tij, tashmë është ngritur një shqetësim sa i përket humbjes së grurit ukrainas.

Ai të premten e 25 marsit, përmes një bisede telefonike me presidentin e Egjiptit, Abdel Fattah el-Sissi, i cili është një aleat i ngushtë i presidentit të Rusisë, Vladimir Putin, ka thënë se mungesa e eksporteve nga Ukraina do t’u japë një goditje vendeve në mbarë botën.

Ndryshe, Presidenti rus, Putin, më 23 mars kishte njoftuar se shteti që udhëhiqet nga vetë ai do të kërkojë që vendet “jomiqësore” të paguajnë për eksportet e gazit natyror rus vetëm me rubla.

Presidenti i Rusisë, Vladimir Putin

“Nuk ka kurrfarë kuptimi që t’i furnizojmë Bashkimin Evropian dhe Shtetet e Bashkuara me mallrat tona, dhe të paguhemi me dollarë, euro, e një numër valutash tjera”.

Kërkesën e Putinit, e ka refuzuar presidenti i Francës, Emmanuel Macron, i cili e ka akuzuar Moskën se po përpiqet të anashkalojë sanksionet e vendosura për shkak të luftës në Ukrainë.

Presidenti i Francës, Emmanuel Macron

“Prandaj, nuk është e mundur që, sot, të bëhet kjo kërkesë, nuk është në kontratë”, ishte shprehur Macron.

Po ashtu, edhe kancelari gjerman, Olaf Scholz, e ka hedhur poshtë këtë kërkesë.

Ai ka thënë se kontratat e nënshkruara tregojnë, saktësisht, se si duhet të bëhet pagesa për gazin e blerë.

Ndryshe, gazi rus përbën rreth 40 për qind të importeve të gazit natyror të Bashkimit Evropian.

Për shkak të agresionit rus në Ukrainë, BE-ja dhe SHBA-të kanë vendosur një sërë sanksionesh të ashpra ndaj Rusisë.

Shija e redaktorit

INTERVISTË me Marin Memën: Kemi nevojë të duam më shumë...

Cilki i dokumentarëve, 'Gjurmë Shqiptare' me autorin Marin Mema, në Top Channel Albania përfshin një audiencë të të gjitha moshave. Në 'Gjurmë Shqiptare' trajtohen tema...

Këngët për nder të gjeniut Andy Warhol

Data e 6-gushtit shënon lindjen e një pop artisti si Andrew Warhol, arti i tij i  mrekullueshëm dhe idetë revolucionare të Warhol ishin padyshim...

“Film n’park”, tradita që i rikthehet Prishtinës

Në zemrën e gjelbërt të kryeqytetit, në mesin e dritave, miqve dhe muzikës, është vendi ku “Film n’park” shënon një rikthim pas kufizimeve nga...

Më të lexuarat

Një person largohet nga një restorant në Pejë pa paguar...

Një person mashkull shihet duke ngrënë mengjes, dhe menjëherë pas përfundimit ai shihet duke u larguar pa komunikuar me ndonjë kamerier nga restoranti. Pamjet e...

Të shtëna me armë në Cetinë, më shumë se dhjetë...

Të premten e 12 gushtit në Cetinë të Malit të Zi, një 34-vjeçar ka qëlluar me armë në drejtim të disa personave dhe më...

Abazoviq për sulmin në Cetinë: Mali i Zi nuk mban...

Kryeministri i Malit të Zi, Dritan Abazoviq, pas ngjarjes tragjike që rezultoi më vdekjen e më shumë se dhjetë personave në Cetinë, ka thënë...

Të fundit nga rubrika