Seanca plenare e Kuvendit të Shqipërisë e paraparë të mbahet nga ora 11:00, do të shtyhet për në ora 13:00, për shkak të adresimit që do të bëjë presidenti i Ukrainës para deputetëve shqiptarë.
“Ju njoftoj se seanca plenare e posaçme e Kuvendit të Shqipërisë, gjatë së cilës presidenti i Ukrainës, Volodymyr Zelensky, do t’i drejtohet Kuvendit, do të zhvillohet nesër, ditën e martë, datë 3 maj, ora 13:00”, thuhet në njoftim.
Presidenti ukrainas, edhe më parë i është drejtuar disa prej parlamenteve evropiane. Ai përmes adresimeve, kishte falënderuar shtetet për mbështetjen që i kanë dhënë vendit të tij për ta luftuar invazionin rus.
