Zelenskyy refuzoi të evakuohej nga Kievi edhe pasi vrasësit rusë zbarkuan me parashuta në kryeqytet

Presidenti i Ukrainës, Volodymyr Zelenskyy, kishte refuzuar të largohej nga kryeqyteti ukrainas edhe pas informatave që një grup parashutistësh rusë kishin zbarkuar për ta vrarë atë. Sipas një rrëfimi të dhënë nga këshilltari presidencial Oleksiy Arestovych për TIME, Zelenskyy-t iu kërkua të largohej dhe të shkonte në një vend të sigurt larg Kievit

Volodymyr Zelenskyy refuzoi të evakuohej nga kompleksi i tij në Kiev, edhe pse skuadrat ruse të vrasjes u hodhën me parashutë në kryeqytet dhe u përpoqën të sulmonin ndërtesën për ta vrarë.

Në fillim të pushtimit më 24 shkurt, ata që ishin brenda u mbrojtën me armë automatike dhe ngritën mbrojtje ndërsa rusët u përpoqën dy herë t’i sulmonin natën, raporton telegraph.co.uk.

Një portë e pasme u bllokua vetëm me dërrasa dhe barrikada policie.

Sipas një rrëfimi të dhënë nga këshilltari presidencial Oleksiy Arestovych për TIME, Zelenskyy-t iu kërkua të largohej dhe të shkonte në një vend të sigurt larg Kievit.

Si forcat britanike ashtu edhe ato amerikane ofruan evakuimin e Zelenskyy dhe lejimin e tij për të krijuar një qeveri në mërgim, ndoshta në Poloni, por ai kurrë nuk mendoi seriozisht për këtë.

Lufta në Ukrainë

Zelenskyy-t dhe shumë prej ndihmësve të tij iu dhanë jelekë antiplumbë dhe pushkë sulmi, por disa prej tyre nuk dinin si t’i përdornin ato.

Zoti Arestovych tha: “Ishte një çmendi absolute. Automatikë për të gjithë. Vendi ishte i hapur. Ne nuk kishim as blloqe betoni për të mbyllur rrugën”.

Ai tha se gruaja dhe fëmijët e presidentit ishin, gjithashtu, ende atje ndërsa rusët zbrisnin.

Zelensky nuk do të largohej, dhe në natën e dytë ai doli jashtë për të regjistruar një video për t’i treguar popullit ukrainas se ai nuk kishte ikur.

Vetë presidenti ukrainas i tha TIME: “Ju e kuptoni që ata po shikojnë. Ju jeni një simbol. Ju duhet të veproni ashtu siç duhet të veprojë kreu i shtetit”

Presidenti i Ukrainës Volodymyr Zelenskyy/Facebook)

Në ditët e para të pushtimit ai ngrihej para agimit për t’u takuar me gjeneralin e tij të lartë, në orën 5 të mëngjesit.

Ndërsa lufta përparonte, ai dhe ndihmësit e tij shikonin sulmet me dron në ekranet e kompjuterëve dhe brohorisnin teksa tanket ruse shkatërroheshin.

Sipas burimeve, në fillim të marsit, ai bëri një vizitë të fshehtë në vijat e frontit.

Thuhet se ai kishte marrë vetëm një ekip të vogël sigurie.

Arestovych tha se truprojat po “humbnin mendjen” për shkak të rrezikut që presidenti ukrainas ishte përfshirë, dhe shumë nga ekipi i tij e morën vesh vetëm muaj më vonë se ai e kishte bërë atë gjë.

Në një udhëtim tjetër në vijën e frontit, disa ditë më vonë ai hëngri supë brenda rrezes së snajperëve dhe artilerisë ruse.

Në këtë imazh të ofruar nga Komiteti Ndërkombëtar i Kryqit të Kuq, një zyrtar i Kryqit të Kuq tund një flamur të bardhë ndërsa i afrohet fabrikës së çelikut Azovstal në Mariupol, Ukrainë, të dielën, 1 maj 2022. Një përpjekje e shumëpritur për të evakuuar civilët nga uzina e çelikut në qytetin ukrainas të Mariupol ishte duke u zhvilluar të dielën. (Komiteti Ndërkombëtar i Kryqit të Kuq nëpërmjet AP)

Një tjetër këshilltar i tha revistës se Zelenskyy ishte autori “kryesor” i fjalimit të tij.
Ai punon në një “dhomë” me thasë rëre që bllokojnë dritaret dhe me dritat e fikura.
Ushtarët ukrainas përdornin fjalëkalime të pakuptimta që ndryshojnë vazhdimisht për t’i parandaluar infiltruesit.

Zelenskyy pranoi se kushtet e krijuara kishin ndikuar tek ai.

Ai tha për TIME: “Unë jam plakur nga gjithë këto njohuri që nuk i kam dashur kurrë. Këto njohuri janë të lidhuara me numrin e njerëzve që kanë vdekur dhe torturat që kanë kryer ushtarët rusë.

“Të jem i sinqertë, kurrë nuk e kam pasur qëllimin për të arritur njohuri të tilla”, ka thënë Zelensky.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika