Zelensky thotë se do të mbrojë qytetarët në rajonet e pushtuara nga Rusia

Presidenti ukrainas, Volodymyr Zelensky, ka thënë se do të mbrojë qytetarët që janë duke qëndruar në rajonet e pushtuara nga Rusia,. Në anën tjetër, Zelensky ka shtuar se "nuk do të jetë në gjendje të negociojë me Rusinë pas të ashtuquajturave referendume"

Presidenti ukrainas, Volodymyr Zelensky

Presidenti ukrainas, Volodymuyr Zelensky, ka thënë se Ukraina do të mbrojë qytetarët në rajonet e pushtuara nga Rusia ndërsa Moska i afrohet aneksimit të tyre.

“Ne do të veprojmë për të mbrojtur popullin tonë si në rajonin Kherson, në rajonin Zaporizhzhia, në Donbas, në zonat e pushtuara aktualisht të rajonit të Kharkiv dhe në Krime”, ka thënë Zelensky në një video të postuar në Telegram.

Presidenti ukrainas ka shtuar se kjo farsë në territorin e pushtuar nuk mund të quhet as imitim i referendumeve.

Pas kërcënimit të Moskës për përdorimin e më shumë armëve vdekjeprurëse nëse zonat shënjestrohen në të ardhmen, ka shqetësime se aneksimi i katër territoreve mund të çojë në një përkeqësim të situatës, raporton BBC.

Zelensky në Këshillin e Sigurimit të OKB-së ka shtuar se “nuk do të jetë në gjendje të negociojë me Rusinë pas të ashtuquajturave referendume” dhe se “nuk ka asgjë për të folur” me presidentin rus, Vladimir Putin.

“Para syve të gjithë botës, Rusia po kryen një farsë të hapur të quajtur “referendum” në territorin e okupuar të Ukrainës”, tha ai.

Presidenti ukrainas ka shtuar se shifrat e rezultateve të pretenduara të pseudoreferendumit janë nxjerrë paraprakisht.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika