Zelensky: Ukraina do ta humbasë luftën, nëse Kongresi amerikan ndalon ndihmën

Presidenti ukrainas, Volodymyr Zelensky, ka deklaruar se nëse Kongresi amerikan nuk miraton ndihmën ushtarake për të luftuar pushtimin e Moskës, Ukraina do të humbasë luftën kundër Rusisë, duke theksuar se kjo do të krijojë rreziqe të mëtejshme për shtetet e tjera në rajon

Presidenti ukrainas, Volodymyr Zelensky.

Presidenti ukrainas, Volodymyr Zelensky, ka thënë se Kievi do ta humbasë luftën kundër Rusisë, nëse Kongresi amerikan nuk miraton ndihmën ushtarake për të luftuar pushtimin e Moskës.

“Është e nevojshme t’i thuhet Kongresit në mënyrë specifike se nëse Kongresi nuk e ndihmon Ukrainën, Ukraina do ta humbasë luftën”, ka deklaruar Zelensky gjatë një videotakimi të platformës United24 për mbledhjen e fondeve të organizuar nga Kievi.

Republikanët në Kongres kanë bllokuar prej muajsh dhjetëra miliarda dollarë ndihmë ushtarake për Kievin.

Zelensky ka theksuar se do të ishte “e vështirë” për Ukrainën të “qëndronte” (të mbijetonte) pa ndihmë.

Ai ka shtuar se “nëse Ukraina humbet luftën, shtetet e tjera do të sulmohen”.

Rusia ka shtuar sulmet ndaj Chasiv Yar teksa kërkon të ndërtojë fitimet territoriale muajt e fundit.

Chasiv Yar është më pak se 30 kilometra (18 milje) nga Kramatorsk, një qendër e rëndësishme hekurudhore dhe logjistike për ushtrinë ukrainase.

Një sulm i ri me dronë në centralin e energjisë në Zaporizhja të Ukrainës, ka rritur rrezikun për “aksident të madh bërthamor”, ka thënë Agjencia Ndërkombëtare për Energji Atomike.

OKB-ja paralajmëron kundër sulmeve në centralin bërthamor në Zaporizhja

Shefi i Agjencisë Ndërkombëtare për Energji Atomike, Rafael Grossi, ka thënë se sulmi i së shtunës me dronë ishte “i pamatur” dhe “përshkallëzim masiv i sigurisë bërthamore”, duke shtuar se “kjo nuk mund të ndodhë” dhe se sulmet në objekte bërthamore janë të rrezikshme dhe të papranueshme për të gjithë.

Pushtimi rus i Ukrainës është zvarritur për më shumë se dy vjet.

Si pasojë e luftës kanë vdekur mijëra persona dhe miliona të tjerë janë zhvendosur nga shtëpitë e tyre.

Shija e redaktorit

Shefja e katalunasve në Parlamentin e Spanjës: S’do të ndalemi...

Partia katalunase “Junts per Catalunya” kanë marrë një iniciativë në Parlamentin e Spanjës për t’i kërkuar Qeverisë së Spanjës njohjen e pavarësisë së Kosovës...

Mark Rutte do të jetë në krye të NATO-s

Mark Rutte do të jetë sekretari i ardhshëm i Përgjithshëm i NATO-s, pasi të 32 anëtarët e aleancës ranë dakord që kryeministri holandez në...

Nëna e Leotrimit: Djali im paska qenë i krejt Kosovës

Gjatë së martës, më 18 qershor, që shënonin 25-vjetorin e Ditës së Çlirimit të Skenderajt, është përuruar shtatorja Leotrim Ahmetit, 7-vjeçarit të vrarë gjatë...

Të fundit nga rubrika