Zelensky: Ukraina ka potenical për të përparuar në fushën e betejës

Presidenti i Ukrainës, Volodymyr Zelensky, përmes një video-mesazhi ka thënë se ekipi i sigurisë kombëtare beson se ka potencial që të avancojë forcat ukrainase në front, gjithashtu Zelensky ka shtuar se intensiteti i sulmeve ndaj armikut duhet të rritet

Presidenti ukrainas Volodymyr Zelensky, gjatë videomesazhit

Presidenti ukrainas Volodymyr Zelensky ka thënë se ekipi i tij i sigurisë kombëtare beson se kanë një potencial të rëndësishëm për avancimin e forcave në front.

Pas takimit me shefat e inteligjencës, komandantin e forcave të armatosura dhe ministrat e Brendshëm dhe të Mbrojtjes, Zelensky ka folur përmes një video-mesazhi, duke thënë se intensiteti i sulmeve ndaj Rusisë duhet të rritet.

“Ne përcaktuam detyrat në disa fusha taktike për të forcuar pozicionet tona. Dhe gjithashtu përpunuam tërësisht çështjen e sigurimit të trupave me armë moderne, intensiteti i sulmeve ndaj armikut ende duhet të rritet,” ka thënë Zelensky.

Sa i përket zhbllokimit të porteve ukrainase, Zelensky ka bërë të ditur se shefi i tij i shtabit Andriy Yermak dhe komandanti i forcave të armatosura gjeneral Valery Zaluzhny, kanë pasur një tjetër bisedë me këshilltarin e sigurisë kombëtare të SHBA-së, Jake Sullivan dhe kryetarin e Shefit të Shtabit të Përbashkët, Gjeneral Mark Milley, dhe nesër presin lajmin për të.

Sipas Zelenskyt, vendet që janë goditur nga forcat e artilerisë dhe raketave ruse gjatë ditës së enjte të 21 korrikut, janë një argument që Ukraina duhet të pajiset edhe me armë të tjera.

“Është një argument që Ukraina të marrë më shumë HIMARS dhe armë të tjera moderne dhe efektive,” ka thënë Zelensky.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika