Ai ka akuzuar Moskën për “bombardimet brutale e të vazhdueshme” mbi ndërtesat dhe zonat e banuara të rajonit lindor të Ukrainës.
Zelenskyy ka krahasuar breshërinë e sulmeve si të ngjashme me situatën në Mariupol.
“Nëse pushtuesit rusë janë në gjendje t’i realizojnë planet e tyre qoftë edhe pjesërisht, atëherë ata kanë mjaft artileri dhe aeroplanë për ta kthyer të gjithë Donbas-in në gërmadha, siç bënë me Mariupol-in”, ka thënë Zelenskyy.
Ai shtoi se qyteti juglindor është kthyer në një “kamp rus përqendrimi mes rrënojave”.
Kurse brenda Mariupol-it, prej ditësh një betejë është duke u zhvilluar në zonën e fabrikës së çelikut Azovstal.
Kjo zonë është bërë bastioni i fundit i ushtrisë ukrainase në Mariupol.
Trupat ukrainase kanë luftuar me sukses kundër forcave ruse deri më tani, por kryetari i bashkisë së Mariupol-it, Vadym Boichenko, ka thënë se tani situata është e tmerrshme ndërsa qytetarët “po luten për të shpëtuar”.
“Nuk është çështje ditësh, është çështje orësh”, ka thënë ai kur është pyetur për mundësinë e pushtimit rus të zonës së Azovstal-it.
Ushtria ruse pasi nuk arriti të mposht Kiev-in, kthyen fokusin drejt lindjes dhe jugut të Ukrainës, ndërsa kaluan në “fazën e dytë të pushtimit”.