Deputeti i LDK-së, Armend Zemaj, ka thënë se kryeministri në detyrë, Albin Kurti, duhet t’i thirr ndërgjegjes dhe institucionet të formohen sa më shpejtë.
“Sa më shpejt që të ketë thirrje të ndërgjegjes te Kurti që të ketë formim të institucioneve”, u shpreh ai para nisjes së seancës së 30-të konstituive.
Zemaj u shpreh se LDK-ja vazhdon t’i qëndrojë propozimit për qeveri të unitetit dhe paralajmëroi se së shpejti do të dalin me pika konkrete.
Deputeti i LDK-së gjithashtu foli edhe për protestën e bizneseve, duke thënë se ajo duhet të jetë më e madhe dhe të përkrahet edhe nga qytetarët e politike “që të mos lejohet zhvatja e buxhetit të shtetit”.