Ministri në detyrë i Punëve të Brendshme, Xhelal Sveçla, ka reaguar pas zhvillimeve të fundit në rastin e vrasjes së rreshterit të Policisë së Kosovës, Muhamed Lika.
Në një postim në Facebook, Sveçla shprehu solidaritet me familjen e të ndjerit dhe theksoi se drejtësia duhet të vihet në vend, pa asnjë tolerim ndaj krimit.
“Muhamed Lika, familja e tij, Policia e Kosovës, populli dhe shteti kërkojnë dhe meritojnë drejtësi. Zero tolerancë!”, ka shkruar Sveçla.
Reagimi i tij vjen pas aksionit të mëngjesit të sotëm në Kaçanik, ku Policia e Kosovës arrestoi më shumë se pesë persona të dyshuar për përfshirje në vrasjen e rreshterit Lika. Të dyshuarit besohet se janë pjesë e një grupi kriminal që po hetohej nga viktima, dhe pikërisht kjo pistë konsiderohet si motivi kryesor i atentatit.