Zëvendësministri i Administrimit të Pushtetit Lokal në Kosovë (MAPL), Arbër Vokrri ka njoftuar se kryetari i Komunës së Zveçanit Ilir Peci dhe administrata komunale janë duke punuar në objektin e institucionit.
Sipas tij, nga puna në objekt komunal, kryetari Peci dhe administrata komunale po bëjnë që shërbimi për qytetarët të jetë më i lehtë dhe më i drejtpërdrejtë.
Vokrri gjithashtu ka theksuar obligimin e tyre për të përmbushur kërkesat dhe pritjet e qytetarëve për të siguruar shërbime dhe për të rritur mirëqenien në këtë komunë.
“Kryetari Ilir Peci dhe administrata komunale e Zveçanit janë duke punuar në godinën e institucionit. Shërbimi për qytetarët është më i lehtë dhe më i drejtpërdrejtë nga këtu. Mbetet obligim i yni i përbashkët që t’i përmbushim kërkesat dhe pritjet e qytetarëve për dhëne të shërbimeve dhe sigurim e rritje të mirëqenies”, Vokrri në Facebook.