Zgjedhjet e 23 prillit, sot mbyllet afati për partitë që ta njoftojnë KQZ-në për mospjesëmarrje

ilustrimi

Komisioni Qendror i Zgjedhjeve tashmë ka nisur përgatitjet për mbajtjen e zgjedhjeve të jashtëzakonshme të 23 prillit për kryetarë të komunave: Mitrovicë e Veriut, Leposaviq, Zubin Potok dhe Zveçan, si dhe të zgjedhjeve të parakohshme për dy kuvendet komunale në Zveçan dhe Leposaviq.

Subjektet politike të cilat nuk duan që të marrin pjesë në këtë proces zgjedhor, kanë kohë vetëm edhe sot që ta dorëzojnë njoftimin për mospjesëmarrje.

“Afati i vendosur nga KQZ-ja për partitë politike për të deklaruar mospjesëmarrjen në zgjedhje është deri më 13 mars”, i ka thënë Telegrafit, zëdhënësi i KQZ-së, Valmir Elezi.

Sipas të dhënave të KQZ-së, deri të premten ky institucion ka pranuar deklarimet për mospjesëmarrje në zgjedhje nga 8 parti politike Partia Demokratike e Diasporës, Iniciativa e Re Demokratike e Kosovës, Pokret za Gora, Socialdemokratska Unija, Fjala, Partia e Ashkalinjëve për Integrim, Kosovaki Nevi Romani Partia, Partia Demokratike e Unitetit.

Kujtojmë se edhe Lista Serbe njoftoi përmes një postimi në Facebook, se nuk do të marrë pjesë në këto zgjedhje.

Por, ky subjekt deri më tani nuk e ka njoftuar zyrtarisht KQZ-në për këtë vendim.

Ndryshe, afati për të aplikuar për certifikim për zgjedhjet në komunat veriore është i hapur deri më 22 mars. /Telegrafi/

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika