Zgjedhjet e Sllovenisë mund të sjellin në skenë presidenten e parë grua
Sllovenët po votojnë të dielën në balotazhin e zgjedhjeve presidenciale, me ish- prezantuesen televizive Natasa Pirc Musar që shpreson të mundë politikanin e krahut të djathtë, Andze Logar dhe të bëhet presidentja e parë grua e vendit. Megjithëse Logar doli i pari në raundin e parë më 23 tetor, sondazhet e opinionit kanë favorizuar ngushtë […]





Sllovenët po votojnë të dielën në balotazhin e zgjedhjeve presidenciale, me ish- prezantuesen televizive Natasa Pirc Musar që shpreson të mundë politikanin e krahut të djathtë, Andze Logar dhe të bëhet presidentja e parë grua e vendit.
Megjithëse Logar doli i pari në raundin e parë më 23 tetor, sondazhet e opinionit kanë favorizuar ngushtë një fitore të dielën për Pirc Musar, një kandidate e pavarur që ka siguruar mbështetjen e koalicionit qeverisës për balotazh.
Qendrat e votimit mbyllen në orën 7 pasdite (1800 GMT) dhe rezultatet e para priten rreth dy orë më vonë.
Megjithëse roli është kryesisht ceremonial, presidenti drejton ushtrinë dhe gjithashtu emëron disa zyrtarë të lartë, duke përfshirë guvernatorin e bankës qendrore. Shumica e nominimeve duhet të konfirmohen nga parlamenti.
Presidenti i ri i Sllovenisë, një vend anëtar i BE-së dhe NATO-s, do të zëvendësojë Borut Pahorin, një ish-model i cili shërbeu dy mandate pesëvjeçare dhe shpesh përmendet në publik si presidenti i Instagramit për përdorimin e tij të shpeshtë të rrjetit social.
Një sondazh i opinionit i kryer nga agjencia Ninamedia i botuar në të përditshmen Dnevnik të premten tregoi se Pirc Musar fitoi 51.2% të votave, ndërsa Logar mori 48.8%, shkruan Reuters.




















